काठमाडौं, जेठ २६
हवाइ इन्धनको मूल्य घटेपछि वायुसेवा सञ्चालकहरुको छाता संगठन वायुसेवा सञ्चालक संघले हवाइजहाजको भाडा घटाएको छ । नेपाल नागरिक उड्डयन प्राधिकरणले हवाइ इन्धनको मूल्य समायोजनको निर्णय कार्यान्वयन गराउन संघलाई पत्राचार गरेपछि हवाइ भाडादर घटाइएको संघले विज्ञप्तिमार्फत जनाएको हो । हवाइ इन्धनको मूल्य घटेको अनुपातमा स्वचालित प्रणालीअनुसार मूल्य लागू गर्ने सरकारको निर्णय र सोहीअनुरुप प्राधिकरणको मिति २०७७ जेठ २५ को पत्रबाट अनुमोदन गरी कार्यान्वयनका लागि लेखी आएकाले हवाइभाडामा नयाँ ‘फ्युल चार्ज’ कायम गरिएको आइतबार जारी गरेको विज्ञप्तिमा उल्लेख छ । नयाँ भाडादरअनुसार काठमाडौँ माउन्टेन उडानका लागि ८ सय ६० रुपैयाँ घटाएर दुई हजार २ सय ३० रुपैयाँ कायम गरिएको छ । काठमाडौँ–भद्रपुरको ७ सय ५० रुपैयाँ घटाई एक हजार ९ सय ५० रुपैयाँ बनाइएको छ ।
काठमाडौँ–विराटनगर गन्तव्यमा साविकको दुई हजार १ सय ६० रुपैयाँबाट ६ सय रुपैयाँ घटाएर एक हजार ५ सय ५० रुपैयाँ कायम गरिएको छ । काठमाडौं–पोखराको साबिक भाडामा ३ सय ९५ रुपैयाँ घटाई एक हजार ३० रुपैयाँ कायम गरिएको छ । काठमाडौँ–धनगढीको साविकको तीन हजार ९ सय ७५ बाट एक हजार १ सय ५ रुपैयाँ घटाई दुई हजार ८ सय ७० रुपैयाँ निर्धारण गरिएको छ । काठमाडौँ–नेपालगञ्जको ८ सय १५ रुपैयाँ घटाई दुई हजार १ सय १५ रुपैयाँ बनाइएको छ । सबैभन्दा कम काठमाडौँ–सिमरामा ५ सय ८५ रुपैयाँ र सबैभन्दा बढी काठमाडौँ–धनगढी गन्तव्यको भाडा रहेको छ ।
हवाइ इन्धनको मूल्य जे–जति घटबढ हुन्छ सोही अनुपातमा स्वचालित प्रणालीअनुसार मूल्य लागू गर्ने गरी नेपाल सरकार (विभागीय मन्त्री) को २०७५ जेठ २७ निर्णय गरेको थियो । सोही निर्णयअनुसार संघमा आबद्ध वायुसेवा कम्पनीले स्वचालित प्रणालीअनुसार हवाइ इन्धनको मूल्य समायोजन गर्ने निर्णय गरिएको संघका महासचिव योगराज कँडेल शर्माले बताए । कोभिड–१९ महामारी नियन्त्रणका लागि सरकारले चैत ११ देखि देशभर बन्दाबन्दी गरेको छ । चैत ९ गतेदेखि नै नेपालमा उडान भर्ने सबै अन्तर्राष्ट्रिय उडान तथा चैत ११ देखि नै आन्तरिक उडान पनि स्थगन गरिएको छ । पछिल्लोपटक असार १६ सम्म उडान स्थगन गरिएको छ । आगामी असार १७ देखि आन्तरिक उडान सञ्चालन गर्ने सरोकारवाला निकायले तयारी गरिरहेका छन् ।
क्याटेगोरी : कर्पोरेट-वाणिज्य-उद्योग
ताजा अपडेट
- राष्ट्रिय फोटो पत्रकार समूहको अध्यक्षमा पुनः प्रदीपराज वन्त चयन
- आज देशभरको मौसम सफा रहने
- ठगीको अभियोगमा दुई पक्राउ
- राष्ट्रपति पौडेल आज अजरबैजान जानुहुँदै
- यस्तो छ आजका लागि विदेशी मुद्राको विनिमय दर
- प्रधानमन्त्री ओलीको चीन भ्रमण राष्ट्रियहितका लागि: एमाले
- मानव तस्करीको आरोप लागेका पूर्वमन्त्रीलाई एमालेले गर्यो निलम्बन
- हवाई भाडा नियन्त्रणका लागि पाँच बुँदे सहमति
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया