बीवाईडी एसिया प्यासिफिक डिलर कन्फ्रेन्समा साइमेक्स इङ्क सम्मानित

काठमाडौं । नेपालमा बीवाईडी अटो इन्डस्ट्री कम्पनी लिमिटेडको आधिकारिक वितरक साइमेक्स इङ्क चीनको सियानमा आयोजित बीवाईडी एसिया प्यासिफिक २०२४ डिलर कन्फ्रेन्समा सम्मानित भएको छ ।

साइमेक्सले एसिया प्यासिफिक मेजर कन्ट्रिब्युसन डिस्ट्रिब्युटर अवार्ड र सेल्स कन्ट्रिब्युसन अवार्ड गरी दुई महत्वपूर्ण पुरस्कार हात पार्न सफल भएको हो । अपेक्षित थप उपलब्धि हासिल गर्दै र उल्लेखनीय बिक्री कार्यमा अगाडि बढ्दै साइमेक्स इङ्क एसिया प्यासिफिक क्षेत्रकै प्रमुख वितरक बन्न सफल भएको कम्पनीको दाबी छ । अन्तर्राष्ट्रिय मञ्चहरूमा प्राप्त उल्लेखनीय उपलब्धिबाहेक साइमेक्स इङ्कले चीनको सियानमा नेपाल एनुअल डिलर्स मिट २०२४ समेत आयोजना गरेको थियो । नेपालमा बीवाईडी डिलरहरूको बीचमा आपसी सहयोग बढाउन, ज्ञान आदानप्रदान गर्न र सहकार्यलाई बलियो बनाउनका लागि सो इभेन्टले एउटा प्लेटफर्मको कार्य गरेको छ ।

सो अवसरमा साइमेक्सको सन् २०२४ को योजनामार्फत यसको नेटवर्क विस्तारलाई प्रस्तुत गरेको । हाल विभिन्न १५ स्थानमा बीवाईडी सोरुम सफलतापूर्वक स्थापना गरिएका छन् भने थप तीन सोरुम स्थापित हुने क्रममा रहेका छन् । साइमेक्स इङ्कले हाल विभिन्न स्थानमा २३ डीसी फास्ट चार्जर स्थापना गरेको छ भने थप विस्तारको क्रममा रहेका छन् ।