वाणिज्य महासंघ कोशीको भ्रमण

विराटनगर । नेपाल उद्योग वाणिज्य महासंघ कोशी प्रदेशले व्यवसायीहरू बीचमा अनुभव आदान प्रदान गर्न भ्रमणको आयोजना गरेको छ । महासंघले कोशी प्रदेशका जिल्ला तथा नगर उद्योग वाणिज्य संघका सचिवालय प्रमुखहरूलाई मधेश, वाग्मती, गण्डकी र लुम्बिनी प्रदेशमा रहेका उद्योग वाणिज्य महासंघ तथा जिल्ला र नगर उद्योग वाणिज्य संघहरूमा भ्रमण गराएको हो ।

कोशी प्रदेशसहित अन्य प्रदेशका उद्योग वाणिज्य महासंघ तथा संघहरूको सचिवालय व्यवस्थापन, नियमित र विकासमूलक कार्यक्रम कार्यान्वयन, संस्थागत सुशासन, स्रोत व्यवस्थापनजस्ता विषयमा रहेका असल अभ्यासबारे जानकारी लिने र आफ्नो अनुभव सम्बन्धित पक्षसँग साट्ने उद्देश्यका साथ यो भ्रमण गरिएको महासंघ कोशी प्रदेशका निर्देशक राधारमण भण्डारीले जानकारी दिए । गत चैत्र १६ गते देखि २० गतेसम्म महासंघले पाँच दिन भ्रमणको आयोजना गरेको थियो । द एसिया फाउन्डेसनको सहयोग तथा कम्युनिटी इन्गेजमेन्टस एन्ड आउटरिच प्रालिसँगको सहकार्यमा सो भ्रमण कार्यक्रम सञ्चालन गरिएको थियो ।