राइड सेयरिङ्गद्वारा साथी एपमार्फत मोबाइल फोनको पिकअप र ड्रप सर्भिस सेवा सुरु
काठमाडौं, जेठ २९
राइड सेयरिङ्गले साथी एपमार्फत लकडाउनको समयमा मोबाइल फोन बिग्रिएर समस्यामा रहेका व्यक्तिहरुका लागि नयाँ सेवा सञ्चालनमा ल्याएको छ । कम्पनीले साथी एपमार्फत अब ग्राहकहरुको घरदैलोमा नै मोबाइल फोनको पिकअप र ड्रप सर्भिस सेवा सुुरु गरेको हो ।
कोभिड १९ महामारीले गर्दा देशभर लकडाउनको अवस्था रहेको र संक्रमणबाट बच्नुपर्ने साथै सुरक्षित हुनुपर्ने अवस्थालाई मध्यनजर गरेर कम्पनीले साथी एपमार्फत मोबाइल फोन पिकअप र ड्रप गर्ने नयाँ सेवा सुरु गरेको जनाएको छ । विभिन्न मोबाइल कम्पनीहरुका सर्भिस सेन्टरहरुसँगको सहकार्यमा वारेन्टी भएका तथा वारेन्टी नभएका मोबाइल फोनहरु घर तथा कार्यालयबाट लिएर मर्मतपश्चात् फेरि सोही स्थानमा पु-याउने सेवा थप गरेको छ । नयाँ सेवाअन्तर्गत कुनै पनि ब्राण्डका मोबाइल फोनहरु मर्मत तथा सम्भार गर्न गराउन अब सहज हुने भएको छ । यस एपलाई डाउनलोड गरी मोबाइल पिक एण्ड डेलिभरी सर्भिसमा क्लिक गरी विस्तृत जानकारीहरु राखेर पिकअप सर्भिसको लागि अर्डर गर्न सकिनेछ ।
हालका लागि यो सेवा काठमाडौं उपत्यकाको रिङ्गरोडभित्र मात्र उपलब्ध रहेको छ भने केही समयपछि रिङ्गरोडबाहिरका स्थानहरुका साथसाथै देशभर क्रमशः सेवा विस्तार गरिने कम्पनीले जनाएको छ । मोबाइल फोनको मर्मतको शुल्क लाग्ने भएमा ग्राहकहरुबाट लिएर सम्बन्धित मर्मत तथा सर्भिस सेन्टरहरुमा भुक्तानी गर्ने व्यवस्था राखिएको छ भने त्यसबाहेक पिकअप तथा ड्रपको लागि न्यूनतम ३५ रुपैयाँबाट यो सेवा लिन सकिने कम्पनीले उल्लेख गरेको छ ।
कम्पनीका कार्यकारी अधिकृत विक्रान्त रेग्मीले कोभिड–१९ को महामारीले लकडाउनको अवस्था रहेको र मानिसहरुबीच संक्रमण फैलिनसक्ने हुँदा मोबाइल प्रयोगकर्तालाई सुरक्षित बनाउन यो सेवा सुरु गरेको जानकारी दिए । ‘हामीले सबैलाई घर वा कार्यालयबाटै मर्मत तथा सर्भिस सेन्टरको सुविधा लिन सकिने गरी सुरक्षित साथ सेवा दिनेछौँ । यसले गर्दा सबै जना भीडभाडमा जानु नपर्ने तथा मर्मतपछि मोबाइल समेत समयमा नै उपलब्ध हुनेछ’, कार्यकारी अधिकृत रेग्मीले भने । यस एपको अन्य मुख्य फिचर भनेको राइड सेयरिङ्गका लागि बाइक, स्कूटर र ट्याक्सी बोलाउन सकिनुको साथै विभिन्न यात्राको लागि रिजर्भेसन गर्न सकिनेछ ।
यसका साथै निकट भविष्यमा अफिसका कर्मचारीहरुलाई कार्यालयबाट घरसम्म ल्याउन र पु¥याउने सेवा समेत ल्याउन लागेको कम्पनीले जनाएको छ । जसमा बस, माइक्रोबस, कार, जिपद्वारा घरबाट कार्यालय पु-याउने र पुनः घरमा नै ल्याउने सेवा हुनेछ । हाल यो साथी एप गुगलको प्लेस्टोरमा उपलब्ध रहेको छ भने केही समयपछि एप्पलको एप स्टोरमा समेत उपलब्ध हुनेछ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया