लकडाउनका अवधिमा ६० प्रतिशत निर्माणका योजना सम्पन्न
लुम्बिनी, जेठ ३२
रुपन्देही सदरमुकाम सिद्धार्थनगर भैरहवामा लकडाउनका बीचमा पनि चालू आर्थिक वर्ष २०७६/०७७ का ६० प्रतिशत निर्माणका योजना पूरा भएका छन् । नगरपालिकामा आयोजित पत्रकार भेटघाट कार्यक्रममा नगरप्रमुख हरिप्रसाद अधिकारीले हालसम्म सञ्चालित योजना ६० प्रतिशत निर्माणकार्य सम्पन्न भएका र बाँकी योजना सञ्चालनमा रहेको जानकारी दिए ।
नगरपालिकाले चालू वर्षका लागि निर्माण योजनामा पाँच किलोमिटर पक्की नाला, चार किलोमिटर ग्राभेल सडक, साढे तीन किलोमिटर आरसिसी, दुई किलोमिटर सडक कालोपत्र बनाउने कार्यक्रम थियो । यसैगरी विभिन्न १२ भवन निर्माण, कल्भर्ट, सिँचाइ बोरिङ २६ थान, पार्क एउटा, हाटबजार निर्माणको कार्य पनि अगाडि बढेको प्रमुख अधिकारीले बताए । नगरमा सहरी विकास आयोजनाअन्तर्गत २५ किलोमिटर सडक कालोपत्र, ६२ किलोमिटर नाला निर्माण, १० किलोमिटर फुटपाथ र दुई हजार बिरुवा पनि वृक्षरोपण भइसकेको छ । नगरका १३ वडामा २३ करोड तीन लाख ६२ हजार ७३ रुपैयाँमा सडक निर्माण, कालोपत्र, नाला निर्माण, विभिन्न भवन निर्माणको काम भइरहेको नगरका प्रमुख प्रशासकीय अधिकृत तुलसीराम मरासिनीले जानकारी दिए ।
कार्यक्रममा सिद्धार्थ नगरपालिकाले अहिलेसम्म कोरोना भाइरस नियन्त्रणका लागि गरेको विभिन्न प्रयास र कार्यक्रमका बारेमा पनि जानकारी गराइएको थियो । नगरका सूचना अधिकारी देव ज्ञवालीका अनुसार कोरोना भाइरस रोकथाम, नियन्त्रण तथा उपचार कोषमा हालसम्म एक करोड ३४ लाख १९ हजार ९ सय ६६ रुपैयाँ रकम जम्मा भएको छ । उक्त रकममध्ये नगरभित्रका मजदूरका लागि राहतका लागि चामल खरिदमा ५६ लाख एक हजार २ सय ८० रुपैयाँ, दाल खरिदका लागि १९ लाख ६५ हजार ९ सय ३६ रुपैयाँ, तेल खरिदका लागि दुई लाख ८० हजार रुपैयाँ, नून खरिदका लागि तीन लाख ४६ हजार ३ सय २ रुपैयाँ खर्च भएको बताइएको छ ।
यसैगरी नगरपालिकाले क्वारेन्टाइनमा बसेकाका लागि खाना खर्चमा १७ लाख ७४ हजार ७ सय ९८ रुपैयाँ खर्च गरेको बताएको छ । क्वारेन्टिनमा बसेकाका लागि १५ दिन मारबाडी सेवा समाजले निःशुल्क खाना खुवाएको थियो । त्यसयता नगरले प्रतिछाक प्रतिव्यक्ति ७३ रुपैयाँ खर्चेर मायादेवि च्यारिटीटेबल फाउन्डेसनमार्फत क्वारेन्टिनमा बसेकाका लागि खानाको व्यवस्थापन गरिरहेको छ । विभिन्न क्वारेन्टिनमा एक हजार ३ सय जनालाई राखिसकिएको छ । भारतका विभिन्न क्षेत्रबाट स्वदेश फर्किनेले प्रयोग गर्ने मुख्य नाका बेलहियाका कारण लकडाउनको शुरुका महिना भैरहवाका विभिन्न क्षेत्रमा नेपालीलाई राखेर कोरोना परीक्षणपश्चात् मात्रै घर पठाउने गरिएको थियो । तर पछिल्लो केही हप्तायता सिधै बेलहिया सीमाबाट आफ्नो जिल्ला पठाउने व्यवस्था गरिएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया