विराटनगर । उद्योग संगठन मोरङले सुुनसरी मोरङ औद्योगिक करिडोरका विभिन्न उद्योगमा कार्यरत प्राविधिकहरूका लागि जुट स्पिनिङ र जुट विभरसम्बन्धी तालिम प्रदान गरेको छ ।
संगठनको सीप विकास कार्यक्रमअनुसार औद्योगिक क्षेत्रमा कार्यरत प्राविधिकहरूको दक्षता अभिवृद्धि गर्ने उद्देश्यले सो तालिम प्रदान गरिएको हो । संगठनका कोषाध्यक्ष सुवोध कोइरालाले उद्योगका लागि आवश्यक दक्ष प्राविधिक जनशक्तिको आवश्यकतालाई सहजीकरण गर्न यस प्रकारको तालिमको धेरै महत्व रहेको बताए । उनले दक्ष जनशक्तिका माध्यमबाट उद्योग सञ्चालन गर्दा गुणस्तरीय उत्पादन भई उत्पादकत्व अभिवृद्धिमा समेत सहयोग पुग्ने बताए । उद्योगहरूको आवश्यकताका आधारमा पाठ्यक्रम तयार गरी सञ्चालन हुँदै आएको यस प्रकारको तालिमप्रति उद्योगहरूको बढ्दो अभिरूचीप्रति खुसी व्यक्त गर्दै प्राविधिक जनशक्ति विकासमा हातेमालो गर्न उद्योग प्रतिष्ठानहरूलाई कोइरालाले आग्रह पनि गरे ।
विभिन्न उद्योग परिसरमै २२ दिनसम्म सञ्चालन गरिएको तालिममा ४० जना प्राविधिकको सहभागिता रहेको थियो । तालिमका प्रशिक्षक नारायण लामिछाने र सविन्द्र भण्डारीले जुट उद्योगमा कार्यरत जनशक्तिको सबलीकरणका लागि सञ्चालित यस्ता तालिमले सहभागीलाई आफ्नो जिम्मेवारी दक्षतापूर्वक सम्पन्न गर्न सहयोग पु¥याउने विश्वास व्यक्त गरे । सैद्धान्तिक र व्यावहारिक गरी दुई सत्रमा सञ्चालन गरिएको तालिम अवधिमा जुटका स्पिनिङका आधारभूत ज्ञान, सीपका साथै पेशागत सरसफाइको महत्व, स्वास्थ्य, मेसिन व्यवस्थापनलगायतको विषय समेटिएका थिए । इन्स्योर परियोजनासँगको सहकार्यमा यसअघि संगठनले विभिन्न उद्योगका प्राविधिकहरूलाई एकै थलोमा राखी तालिम दिँदै आएको थियो । तर पछिल्लो समय भने सिकाइलाई थप प्रभावकारी बनाउन उद्योगको मागका आधारमा सम्बन्धित उद्योगमै तालिम सञ्चालन गर्न थालेको उद्योग संगठन मोरङले जनाएको छ । साथै, संगठनले तालिममा सहभागीहरूलाई प्रमाणपत्र समेत प्रदान गरेको थियो ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- छोराद्वारा बुबाको हत्या
- दाङमा तोरीको उत्पादन बढ्दै
- कपिलवस्तुमा पाटेबाघको छालासहित एक व्यत्ति पक्राउ
- एनपिएलको ट्रफी सार्वजनिक
- अष्ट्रेलियाका लागि नेपाली आवासीय राजदूत पदमा चित्रलेखा यादव नियुक्त
- एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली
- सभामुख घिमिरे र कम्बोडियाका प्रधानमन्त्रीबीच भेट
- नागार्जुनमा बाटो मिचेर बनाएको घर भत्काउन आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया