नेपाल महिला चेम्बरको भर्चुअल कार्यशाला सम्पन्न
काठमाडौं, असार ८
नेपाल महिला चेम्बरले आईतबार भर्चुअल कार्यशालाको आयोजना गरेको छ । जारी लकडाउनका कारण महिला उद्यमशीलतामा देखिएको चुनौतीलाई कसरी सामना गर्ने भन्ने विषयमा केन्द्रित रहेर महिला चेम्बरले उक्त कार्यशालाको आयोजना गरेको हो । कार्यशालामा नेपाल महिला चेम्बर सम्बद्ध सदस्यहरुको सहभागीता रहेको थियो ।
साना तथा मझौला उद्योग तथा व्यापारको क्षेत्रमा सकृय उद्यमी महिलाहरुलाई लक्षित गरि आयोजित उक्त कार्यशालामा राष्ट्र«भर छरिएर रहेका शाखा संजालबाट करिब ५० जनाको सहभागीता रहेको थियो । ब्राण्डिङ्ग, अनलाईन बिजनेश प्रबद्र्धन र डिजिटल पेमेण्टको विषयमा केन्द्रित रहेको उक्त कार्यशालामा पैेलक प्रबिन, अदिती गोयल र अनमोल रतेरियाले प्रशिक्षण दिएका थिए । सो अवसरमा पैेलक प्रबिनले ब्राण्डिङ्गमा व्यक्तिगत र सांगठनिक (पर्सनल र अर्गनाईजेशन) गरि दुई कोणबाट कसरी प्रबर्द्धन गर्ने भन्ने बारेमा स्पष्ट पार्दै बद्लिदो परिवेशमा अनलाईन मार्केटिङ्ग, कम्युनिकेशन, कोलाबेरेशन आदीको महत्व बारे प्रकाश पारेकी थिईन् ।
त्यसैगरि, जिपिजीकी अदिती गोयलले अनलाईन मार्फत वस्तु तथा सेवा व्यापार कसरी प्रवर्द्धन गर्न सकिन्छ भन्ने बारे प्रकाश पार्दै सोका लागि उपलब्ध राष्ट्रिय तथा अन्तराष्ट्रिय प्लेटफर्मको उपलब्धता, सामाजिक संजालको उपयोगीता बारे प्रकाश पारेकी थिईन् । कार्यशालामा अनमोल रतेरियाले डिजिटल पेमेण्टको विषयमा केन्द्रित रहेर अनलाईन मार्फत कुन कुन प्लेटफर्म प्रयोग गरि कसरी भुक्तानी गर्न सकिन्छ भन्ने बारे प्रकाश पार्दै यसको बढ्दो उपयोगीता र महत्व बारे स्पष्ट पारेकी थिईन । सो अवसरमा नेपाल महिला चेम्बरकी अध्यक्ष उर्मिला श्रेष्ठले कार्यशालाका सहभागीहरुलाई संबोधन गर्दै कोभिड १९ को मुख्य चुनौतीमा स्वास्थ्य सुरक्षाको सवाल रहेको उल्लेख गर्दै व्यवसाय संचालन गर्दा उच्च सतर्कता अपनाउन आवश्यक रहेको बताईन ।
साथै, अध्यक्ष श्रेष्ठले बदलिदो परिस्थितीमा डिजिटल प्लेटफर्मको महत्व बारे प्रकाश पार्दै यसको उपयोगीतालाई बढाउनु पर्नेमा जोड दिईन् । यस अघि नेपाल महिला चेम्बरकी उपाध्यक्ष सुष्मा शर्माले कार्यक्रममा सहभागीहरुलाई स्वागत मन्तव्य व्यक्त गर्दै कोभिड १९ का कारण उद्यमी महिलाहरुको व्यावसायिक जीवनमा समस्या उत्पन्न भएको उल्लेख गर्दै कार्यशालाबाट राहत मिल्ने विश्वास व्यक्त गरेकी थिइन् ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया