बजाज पल्सर एनएस ४०० जेड सार्वजनिक

काठमाडौं । हंसराज हुलासचन्द एन्ड को प्रालिले भृकुटीमण्डपमा जारी नाडा अटो सोमा सबैभन्दा ठूलो पल्सर, बजाज पल्सर एनएस ४०० जेड लन्च गरेको छ । नयाँ पल्सर एनएस ४०० जेडले पावर, प्रविधि, र डिजाइनको संयोजनमार्फत रोमाञ्चक राइडको अनुभव दिने कम्पनीको दाबी छ ।

लामो समयदेखि प्रतिक्षित बजाज पल्सर एनएस ४०० जेड मा ३७३ सीसीको सिंगल–सिलिन्डर, लिक्विड–कूल्ड इन्जिन समावेश रहेको छ, यसले ३९ दशमलव चार ब्रेक हर्स पावर र ३५ एनएमको टर्क दिन्छ । छ गियरसम्मको गियरबक्स रहेको यस मोटरसाइकलमा गियर परिवर्तन निकै सहज रहेको छ । साथै, पल्सर एनएस ४०० जेडमा राइड–बाई–वाईर प्रविधि पनि समावेश छ । गोल्छा ग्रुपका निर्देशक अभिमन्यु गोल्छाले नेपाली बजारमा लामो समयदेखि प्रतिक्षित एनएस ४०० जेडले यो विरासतलाई नयाँ उचाइमा पु¥याउने बताए । यसमा रोड, रेन, स्पोर्ट, र अफ–रोड गरी चारवटा राइडिङ मोडहरू समावेश रहेका छन् । साथै, स्विच गर्न सकिने ट्रयाक्सन कन्ट्रोल र डुअल–च्यानल एबीएस पनि यसमा उपलब्ध छ ।

यो बाइकमा ब्लुटुथ कनेक्सनसहितको नयाँ फुल–कलर एलसीडी स्क्रिन पनि समावेश रहेको छ । मस्कुलर र एरोडाइनामिक प्रोफाइलको साथ डिजाइन गरिएको पल्सर एनएस ४०० जेडमा उत्कृष्ट डिजाइनको फुएल ट्यांक, आरामदायी स्प्लिट–सिट र स्टाइलिस १७–इन्च एलोय ह्विल दिइएको छ । १२ लिटर क्षमताको पेट्रोल ट्याङ्क र ८०७ मिलिमिटरको सिटको उचाइ रहेकोले पल्सर एनएस ४०० जेड सिटी राइड र लामो दूरीको यात्रा दुवैका लागि उपयुक्त छ ।

नाडा अटो सोमा बुकिङ गर्ने ग्राहकहरूले पाँच लाख ५९ हजार नौ सय रुपैयाँ पल्सर एनएस ४०० जेड खरिद गर्न सक्नेछन् । यस्तै, कम्पनीले नाडा अटो सोमा ‘एक्सप्रेस योर सेल्फ’ नामको अन्तरक्रियात्मक थिम पनि सञ्चालन गरिरहेको छ । यसअन्तर्गत सोमा आउनेलाई आफ्नो सिर्जनशीलता र व्यक्तिगत पहिचान प्रस्तुत गर्न प्रोत्साहन गर्ने उद्देश्य राखेको छ । यसका लागि बजाजको स्टल एम १२ मा छुट्टै स्पेसको व्यवस्था गरिएको छ । त्यहाँ सहभागीहरूले स्प्रेपेन्ट प्रयोग गरेर खाली क्यानभासमा वा मोटरसाइकलमा नै आफ्नो कलात्मक प्रतिभा देखाउन सक्नेछन् ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments