कत्था उत्पादक संघको अध्यक्षमा घिमिरे

काठमाडौं । कत्था उत्पादकहरूको छाता संगठन नेपाल कत्था उत्पादक संघको तेस्रो वार्षिक साधारणसभा तथा प्रथम अधिवेशनले संघको अध्यक्षमा शिव प्रसाद घिमिरेलाई निर्विरोध निर्वाचित गरेको छ ।

यस्तै, संघको उपाध्यक्षमा विजय कुमार गुप्ता, महासचिवमा कुमार रोक्का क्षेत्री, कोषाध्यक्षमा ओम प्रकाश अग्रवाल र सदस्यहरूमा क्रमशः केशव कुमार कार्की, विनोद कुमार अग्रवाल, दिलीप कुमार अग्रवाल, मोहित कुमार जैन र प्रशान्त अग्रवाल निर्वाचित भएका छन् । देशभर छरिएर रहेका कत्था उत्पादकहरूको छाता संस्थाको रूपमा २०७८ मा स्थापित यस संघमा ११ ठूला उद्योगहरू आबद्ध रहेका छन् । वस्तु निकासीमा महत्वपूर्ण भूमिका निर्वाह गर्दै आएको कत्था उद्योगले हजारौँलाई रोजगारी प्रदान गरिरहेको छ ।

गत आर्थिक वर्षको तथ्याङ्कअनुसार नेपालबाट दुई अर्ब १२ करोडको कत्था निर्यात गरेको छ भने कुल निकासी व्यापारमा यस क्षेत्रको एक दशमलव चार प्रतिशत योगदान रहेको छ । स्वदेशी कत्था उद्योगहरूले भारत, बंगलादेश, पाकिस्तानलगायतका छिमेकी मुलुकहरूमा उत्पादन निर्यात गर्दै आइरहेका छन् । शतप्रतिशत स्वदेशी कच्चा पदार्थमा आधारित उद्योग भएकोले यसको सम्बर्द्धन र प्रवर्द्धनमा राज्यको अहम् भूमिका रहने संघका नवनिर्वाचित अध्यक्ष घिमिरेले बताए ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments