वातावरण परिवर्तनसम्बन्धी अन्तर्राष्ट्रिय सेमिनार हुने

काठमाडौं । जलवायु परिवर्तनले हिमालय क्षेत्रमा पार्ने प्रभावका सम्बन्धमा अन्तर्राष्ट्रिय सेमिनार हुने भएको छ । नीति अनुसन्धान प्रतिष्ठान नेपालले मंगलबार राजधानीमा पत्रकार सम्मेलन गरेर यही शुक्रबारदेखि आइतबारसम्म काठमाडौंमा सो सेमिनार गर्ने जानकारी दिएको छ ।

तीन दिन हुने सेमिनारमा नेपालसहित भारत, बंगलादेश, म्यानमार र भुटानका प्राध्यापक, वैज्ञानिक र जलवायु तथा वातावरणको क्षेत्रमा कार्यरत विज्ञहरू सहभागी हुने सेमिनार आयोजक समितिका संयोजक निकेश कुमार लम्सालले जानकारी दिए । कार्यक्रममा म्यानमारलगायत दक्षिण एसियाली राष्ट्रका प्रतिनिधिले जलवायु परिवर्तन, वातावरणीय प्रभाव र यसको असरसम्बन्धी विभिन्न प्रस्तुति दिने छन् । विभिन्न देशका विज्ञको सहभागिता रहने कार्यक्रममा पच्चीसभन्दा बढी कार्यपत्रहरू प्रस्तुत हुनेछन् ।

कार्यक्रममा केही देशका विज्ञहरू पनि अनलाइनमार्फत जोडिने छन् भने सेमिनारको अन्त्यमा काठमाडौं घोषणापत्र जारी हुनेछ । स्थानीय तथा परम्परागत ज्ञान, वैज्ञानिक अध्ययन अनुसन्धान र प्रभावकारी नीति तर्जुमा गर्दै राष्ट्रबीचको नियमित संवाद र सहकार्यमार्फत् साझा प्राकृतिक स्रोत साधनहरूको समन्वयात्मक एवं समुन्नत सदुपयोग गरी यस क्षेत्रका सम्पूर्ण मानिसहरूको साझा हितको लागि कार्यक्रम कोशेढुङ्गा सावित हुने अपेक्षा गरिएको छ । कार्यक्रमको उद्घाटन सत्र प्रकृति संरक्षण कोषको सभागृह, खुमलटार, ललितपुरमा शुक्रबार हुनेछ भने शनिबार र आइतबार प्राविधिक सत्रहरू सञ्चालन गरिने प्रतिष्ठानका उपाध्यक्ष डा प्रेमराज न्यौपानेले जानकारी दिए ।

सेमिनार नीति अनुसन्धान प्रतिष्ठान, नेपाल (नेनाप), राष्ट्रिय प्रकृति संरक्षण कोष, एसियाली अनुसन्धान केन्द्र– त्रिभुवन विश्वविद्यालय, भारतीय सामाजिक विज्ञान अनुसन्धान परिषद्, भारतीय प्रबन्ध संस्थान शिलोङ, अन्तर्राष्ट्रिय प्रकृति संरक्षण संघ (आईयूसीएन) र क्लाइमेट एलायन्स अफ हिमालयन कम्युनिटिजको संयुक्त आयोजनामा हुनेछ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments