विद्यार्थीको क्षमता विकासका लागि रोजगार मेला आयोजना

काठमाडौं । राजधानीमा ‘फिनिक्स करिअर कनेक्सन २०८१’ र ‘युनिभर्सल करिअर लिंक २०८१’ नामक रोजगार मेला आयोजना गरिएको छ । युवा विद्यार्थीको सीप तथा क्षमता विकासका सम्भावना र उपयोगका लागि मध्यस्थता गर्ने उद्देश्यले सो मेला आयोजना गरिएको हो ।

राजधानीको मैतीदेवीस्थित फिनिक्स कलेज अफ म्यानेजमेन्ट, युनिभर्सल कलेज र जब्स डाइनामिक्स प्रालिसँगको संयुक्त आयोजनामा शुक्रबार रोजगार मेला आयोजना गरिएको हो । कार्यक्रममा पाँच दिनको करिअर ग्रुमिङ सत्रहरू समेत आयोजित गरिएको थियो । मेलामा बायोडाटा लेखन, अन्तर्वार्ता सामना गर्ने कौशल, रोजगार बजारको परिदृश्य बुझ्न र अन्य रोजगारसम्बन्धी सीप वृद्धि कार्यक्रमहरू समावेश रहेको रोजगार मेलाका संयोजक राजु टण्डनले जानकारी दिए । मेलामा नेपालका ३० वटा कम्पनीहरू र भारतका चार वटा कम्पनीहरू सहभागी भएका थिए । यी कम्पनीहरूले निर्माण, प्रविधि, सेवा, व्यापार, कर्पोरेट घराना र इ–कमर्सजस्ता विभिन्न क्षेत्रहरूको प्रतिनिधित्व गर्दै कलेजका विद्यार्थीहरूलाई क्याम्पसमा रोजगारी र करियर अवसरहरू प्रदान गरेका थिए ।

कार्यक्रममा दुई सय ५० बढी विद्यार्थीहरूले सहभागिता जनाएका थिए । सो मेला आयोजनाले उद्योग र शैक्षिक संस्थाबीचको समन्वयलाई सुदृढ पार्ने काम गरेको आयोजकले जनाएको छ । मेलाले विद्यार्थीहरूलाई करियर, इन्टर्नसिप र रोजगारीका अवसरहरू प्राप्त गर्न उत्कृष्ट अवसर प्रदान गरेको बताइएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments