पोखरा । पोखरा उद्योग वाणिज्य संघको ३५औँ महाधिवेशनबाट अध्यक्षमा गोकर्ण कार्की निर्वाचित भएका छन् । कार्कीले अर्जुन पोखरेललाई चार सय ८८ मन्तान्तरले पराजित गर्दै अध्यक्षमा निर्वाचित भएका हुन् ।
कार्कीले एक हजार तीन सय ३९ मत प्राप्त गर्दा पोखरेलले आठ सय ५१ मत प्राप्त गरे । पोखरेल ३४औँ महाधिवेशनमा पनि अध्यक्ष पदमै प्रतिस्पर्धा गरेर पराजित भएका थिए । उनीहरू प्यानलसहित निर्वाचनमा होमिएका थिए । अध्यक्ष, उपमहासचिव र केही सदस्यबाहेक पदाधिकारी र अधिकांश सदस्य पदमा भने पोखरेल समूहबाटै विजयी भएका छन् । संघको वरिष्ठ उपाध्यक्षमा उत्तममान बुद्धाचार्य, उपाध्यक्ष (उद्योग) मा दिनेशचन्द्र बास्तोला, उपाध्यक्ष (वाणिज्य) मा बलराम आचार्य, महासचिवमा शोभा गौतम, कोषाध्यक्षमा मनोज कुमार श्रेष्ठ निर्विरोध निर्वाचित भएका छन् । उनीहरू सबै पोखरेल समूहका हुन् ।
यस्तै, उपमहासचिवमा सुदीप प्रधानाङ्ग विजयी भएका छन् । उनले बालकृष्ण कोइरालालाई पराजित गरे । प्रधानाङ्गले एक हजार एक सय ७७ मत र कोइरालाले एक हजार ४७ मत प्राप्त गरे । कोइराला अर्जुन पोखरेलको समूहबाट चुनावी मैदानमा होमिएका थिए भने प्रधानाङ्गले स्वतन्त्र उम्मेद्वारी दिएका थिए । यसैगरी खुला सदस्यमा ललितबहादुर कुँवर एक हजार पाँच सय ३९, देवेन्द्र प्रजु एक हजार पाँच सय १६, सौगात थापा एक हजार चार सय ९४, दूधमान गुरुङ (आशीष) एक हजार चार सय ६८ र भीम गौतम एक हजार चार ३९ मत ल्याएर विजयी भए ।
यस्तै, टिकाराम सुवेदी (माधव) एक हजार तीन सय ९४, जीवनप्रकाश श्रेष्ठ एक हजार तीन सय ८३, रामचन्द्र तिमिल्सिना (ढाकाटोपी बाजे) एक हजार तीन सय ७५, प्रदीप राजभण्डारी एक हजार तीन सय ७० र यादवप्रसाद पोखरेल एक हजार तीन मत ल्याएर विजयी भएका छन् । यस्तै, कार्यसमिति सदस्यमा वस्तुगततर्फबाट सूर्य घिमिरे (मदिरा) २२, दुर्गा बराल (कस्मेटिक) २१, पृथ्वीराज तिमिल्सिना २० र नवीन नापित (कपडा) १४ मतका साथ विजयी भएका छन् । नापित र दीपेन्द्र कोइरालाको समान १४÷१४ मत आएपछि गोलाप्रथा गरिएकामा नापित विजयी भए । संघको नयाँ नेतृत्व चयनका लागि शनिबार मतदान भएको थियो । संघमा दुई हजार नौ सय सात जना सदस्य मतदाता रहेकामा दुई हजार दुई सय ५१ सदस्यले मतदान गरेका थिए ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया