काठमाडौं, पुस ७
नेपाल वायुसेवा निगमले कम भिजिबिलिटीमा उडान गर्न पाउने भएको छ । निगमद्वारा सञ्चालित ए३२०/३३० को रिडुज्ड भर्टिकल सेपेरसन मिनिमा (आरभीएसएम) तथा इलेक्ट्रिक फ्लाइट ब्याग (ईएफबी) नागरिक उड्डयन प्राधिकरणबाट स्वीकृत भएसँगै कम भिजिबिलिटीमा उडान गर्ने अनुमति पाएको हो । निगमले एक विज्ञप्ति जारी गर्दै ए ३२० को अपरेसन्स स्पेसिफिकेसनमा स्ट्याण्डर्ड क्याटोगोरी २ (क्याट २) एप्रोभल तथा ए३२० रिडुज्ड नेभिगेसन पर्फमेन्स – अथोराइजेसन रिक्वायर्ड (आरएनपी–एआर) अपरेसन्सको इन्ट्रिम अथोराइजेसन पनि निगमलाई प्राप्त भएको जनाएको छ । निगमको उडान आधुनिकीकरण योजनाका यी सफलताहरुले निगमको उड्डयन सुरक्षालाई थप सुनिश्चित गर्ने निगमले दाबी गरेको छ । साधारणतया विमानहरु इन्ट्रुमेन्ट ल्याण्डिङ सिस्टम (आईएलएस) क्याटोगोरी १ मा अवतरण गर्ने गर्दछन् ।
जसअनुसार जहाज अवतरण गर्नको लागि पाइलटले कम्तीमा २०० फिट एभोब ग्राउण्ड लेभल (एजीएल) मा ल्याण्ड गर्ने वा गो एराउण्ड गर्ने निर्णय लिनुपर्ने हुन्छ र सोही आप्रोन गर्न ५५० मिटर भिजिविलिटिको आवश्यकता पर्दछ । तर क्याट २ अथोराइजेसन प्राप्त गरेपश्चात् निर्णय गर्ने उचाइ १०० फिटमा घट्नेछ । यसले गर्दा कम भिजिबिलिटीमा पनि जहाज अवतरण गर्नसक्ने क्षमता हुन्छ ।
प्राधिकरणको स्वीकृति हालसालै प्राप्त भएको हुनाले काठमाडौंको हकमा आरएनपी–एआर तथा अन्य अन्तर्राष्ट्रिय उडानहरुमा क्याट २ आईएलएसको उपयोग गर्दै निगमको उडानहरु अझै बढी नियमित तथा समयमा नै सञ्चालन हुने निगमले जनाएको छ । खराब मौसमको प्रभावबाट हुनसक्ने उडान रद्द होल्डिङ र डाइभर्सन जस्ता अप्ठ्याराहरु न्यूनीकरण हुने भएका छन् ।
यसैगरी निगमको ए३३० जहाजको क्याट २ तथा आरएनपी–एआर एप्रुभल पनि नेपाल नागरिक उड्डयन प्राधिकरणबाट स्वीकृति प्राप्त गर्ने प्रक्रिया अन्तिम चरणमा पुगेको निगमले जनाएको छ । यस प्रक्रिया निकट भविष्यमा नै सम्पन्न गरी ए३३० जहाजको उडानलाई समेत अझै नियमित र प्रभावकारी रुपमा सञ्चालन गर्ने योजनाअनुसार काम भइरहेको निगमले जारी गरेको विज्ञप्तिमा भनिएको छ । (आर्थिक दैनिकबाट)
क्याटेगोरी : कर्पोरेट-वाणिज्य-उद्योग
ताजा अपडेट
- रियलस्टेटमा बैंकहरुको ऋण लगानी दुई खर्ब ६२ अर्ब
- धितोपत्र दलालको सङ्ख्या ९० पुग्यो
- गण्डकी प्रदेशसभा सदस्य गौचनको निधन
- भारतीय क्रिकेटर शिखर धवनले कर्णाली याक्सबाट एनपिएल खेल्ने
- द्रुतमार्गको प्रगति सोचेभन्दा राम्रो रहेको संसदीय समितिको निष्कर्ष
- निर्मला पन्तको हत्या घटनामा प्रत्यक्षदर्शी भएको भन्दै अन्तर्वार्ता दिने व्यक्ति नियन्त्रणमा
- धनराजलाई सिआईबीले लियो सुटुक्क बयान ! फरार श्रीमती बिरुद्ध इन्टरपोलमा रेड नोटिस जारी
- यूएईलाई हराउँदै यू-१९ महिला विश्वकपमा नेपाल छनोट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया