डीएफएसकेले ल्यायो नयाँ ग्लोरी ५६० एसयूभी
काठमाडौं भदौ २५
कुजु नेपालले इन्डोनेसियामा उत्पादन हुँदै आएका डीएफएसके ब्राण्डको उत्पादन नेपालमा बिक्री सुरु गरेको एक वर्ष पूरा भएको छ । कम्पनीले यसअघि डीएफएसके ग्लोरी ५८० बिक्री गर्दै आएकोमा अब भने ग्लोरी ५६० को पनि बिक्री सुरु गर्न लागेको हो ।
कम्पनीका अनुसार कोभिड १९ को कारण केही ढिला बिक्री सुरु हुनलागेको ग्लोरी ५६० नयाँ वर्षको अवसरमा बिक्री सुरु गर्ने लक्ष्य रहेको थियो । नेपाल आएको पहिलो वर्ष नै गाडीको मूल्य, मूल्यअनुसारको फिचर र एसयूभी प्रेमी ग्राहकको मन जित्न सफल भएको कम्पनीले जनाएको छ ।
कम्पनीका अनुसार ग्लोरी ५६० को लम्बाइ ४५१५ एमएम, चौडाइ १८१५ एमएम र उचाइ १७३५ एमएम रहेको छ । यसमा २६९० एमएमको ह्विलबेस छ । गाडीको कुल तौल भने २ हजार किलो रहेको छ । ग्लोरी ५६० मा युरो–५ मापदण्डको इन्जिन दिइएको छ । यसमा रहेको १.५ लिटर टर्बो पेट्रोल इन्जिनले अधिकतम ५७०० आरपीएममा १४८ बीएच पावर र १८०० देखि ४००० आरपीएममा २३० एनएम टर्क प्रदान गर्छ । यसमा ६ स्पिड म्यानुयल गियरबक्स दिइएको छ । साथै, ५० लिटरको इन्धन ट्यांक उपलब्ध रहेको छ ।
कम्पनीका अनुसार ग्लोरी ५६०, ग्लोबल एनक्यापबाट क्र्यास टेष्टमा ५ स्टार रेटिङ प्राप्त गरेको एसयूभी हो । यसको चारै चक्कामा डिस्क ब्रेक दिइएको छ । १७ इन्चको अलोय ह्विल, एयरब्याग, सिट बेल्ट रिमाइन्डर, एबीएस, इबीडी, इन्जिन इमोबिलाइजर, अलार्म सिस्टम, स्पिड सेन्सिङ अटो लक, क्र्यास अटो अनलकजस्ता फिचर यसमा पाउन सकिन्छ ।
ग्लोरी ५६० मा सफ्ट टच ड्यास बोर्ड दिइएको छ भने ड्यासबोर्डमा ८ इन्चको फ्लोटिङ इन्फोटेन्टमेन्ट डिस्प्ले दिइएको कम्पनीले जनाएको छ । रिभाइज क्यामेरा, पुस स्टार्ट/स्टप बटम, किलेस इन्ट्रिजस्ता विशेषता यसमा पाउन सकिनेछ ।
कम्पनीले यसमा तीन वर्ष वा ४० हजार किलोमिटर जुन पहिला आउँछ त्यहीबराबरको वारेन्टी प्रदान गर्नेछ । यसलाई प्रतिस्पर्धी मूल्य बनाउने कम्पनीको योजनाअनुसार यसको मूल्य ५७ लाख ५० हजार रुपैयाँ तोकेर यसको बिक्रीवितरण सुरु गरेको जनाएको छ । कम्पनीले अझै नयाँ नयाँ मोडलका एसयूभी नेपाल ल्याउने जनाएको छ ।
नेपालमा उच्च प्रतिस्पर्धाको बाबजुद पनि कम्पनीले डीएफएसकेका उत्पादनलाई ग्राहकसम्म पु-याउन सकेको र भोलिका दिनमा अझ राम्रा राम्रा मोडल ल्याउँदै अगाडी बढ्ने हौसला प्रदान गरेको कुजु नेपालका सञ्चालक उमिद श्रेष्ठले बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
- ‘उपकरण विस्फोटले ठूलो धक्का लाग्यो’
- मेटा र स्पोटिफाइद्वारा युरोपेली संघको आलोचना
- पलेशा र अन्य पारा खेलाडीलाई एनसेल फाउन्डेसनको सम्मान
- भैँसेपाटी स्पोर्ट्स एकेडेमी
- यज्डी मोटरसाइकलको तीन ठूला अफर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया