काठमाडौं, पुस १०
‘ब्ल्याकपिंक डान्स फेस्टिवलका उत्कृष्ट १० प्रतिस्पर्धी समूह छनौट गरिएको छ । प्रतियोगिताका लागि इच्छुक करिब दुई सय प्रतिस्पर्धीलाई उछिन्दै अन्तिम प्रतिस्पर्धाका लागि १० प्रतियोगी समूह छनौट भएका हुन् । प्रतिस्पर्धाका लागि निर्धारित तीन जनाको जुरी समूहले प्राप्त भिडियोहरुबाट उत्कृष्ट १० प्रतियोगीको समूह छनौट गरेको हो । आगामी शनिबार काठमाडौंमा हुनलागेको कोरियन म्युजिक डान्समा सहभागिता जनाउनका लागि सहभागिता जनाउन चाहने व्यक्ति वा समूहले कुनै पनि के पप सङमा १ मिनेटको नाच रेकर्ड गरी सामसङ नेपालको आधिकारिक वेबसाइटमा त्यो भिडियो उपलब्ध गराउनुपर्ने प्रावधान तय गरिएको थियो । यसका लागि कम्पनीले डिसेम्बर महिनाको २० तारिखसम्मको समय उपलब्ध गराएको थियो । त्यस अवधिसम्ममा आफ्नो के पप म्युजिकको डान्स भिडियो कम्पनीको इमेलमा पठाउनेमध्ये प्रतिस्पर्धी छनौट भएका हुन् ।
छनौटमा परेका १० प्रतिस्पर्धीले सामसुङ नेपालकातर्फबाट ५/५ हजारभन्दा बढीको गिस्ट ह्याम्पर प्राप्त गर्नेछन् भने प्रतिस्पर्धाको दोस्रो चरण अर्थात् २८ डिसेम्बरमा आयोजना हुने फाइनल राउण्डमा चार सयभन्दा बढी दर्शकका बीच कोरियन संस्कृतिले भरिपूर्ण डान्स गर्ने अवसर प्राप्त गर्नेछन् । त्यस क्रममा कोरियन संस्कृति झल्काउने किसिमले सहभागी दर्शकले समेत विभिन्न खालका ग्रिफ्ट समेत प्राप्त गर्नेछन् । कोरियाको संस्कृति झल्काउने सांगितक कार्यक्रम के पप ‘ब्ल्याकपिंक डान्स फेस्टिवल’मा सहभागिता जनाउन प्रतिस्पर्धाका लागि विशेष किसिमको कुनै नियम वा उमेर समूह तोकिएको थिएन । यसका कोरियन संस्कृतिमा रम्न र रमाउन चाहनेहरुले स्वतःस्फूर्त रुपमा आआफ्नो समूह बनाई आबद्ध भएका हुन् ।
सहभागीहरुलाई सामसुङ नेपालको अफिसियल फेसबुक पेजमार्फत करिब दुई हप्ताको अवधिसहित जानकारी गराइएको थियो । फाइनलमा पुगेका १० टिममध्ये टप थ्रिमा पर्ने टिमलाई सामसुङ नेपलका तर्फबाट विशेष पुरस्कार प्राप्त गर्नेछन् । जसमा प्रथम हुने टिमलाई चार सेट सामसुङ ए८० फोन, द्वितीय हुनेलाई सामसुङ ए५० एस र तृतीय हुनेलाई सामसुङ ए३० एस फोन सेट उपलब्ध हुनेछ । के पप विदेशी बजारमा निकै प्रचलित कोरियाको संस्कृति झल्काउने सांगीतिक कार्यक्रम हो ।
नेपाली बजारमा रहेका गीत÷संगीतका प्रेमीहरुलाई पनि त्यो अवसरमा सहभागिता जनाउने, आफ्नो कला देखाउने र यस्ता गीत/संगीतप्रति इमोसनल्ली एट्याच हुने अवसर सृजना गर्ने उद्देश्यले सामसुङले यसै वर्षदेखि नेपालमा यो अभियानको सुरुवात गरेको हो । नेपालमा कोरियन गीत विगतदेखि नै निकै पपुलर पनि छन् । ब्ल्याकपिंक कभर डान्स कम्टेस्ट नामको यो सांगीतिक कार्यक्रम के–पपको ग्राण्ड इभेन्ट अर्थात् फिनालीमा सहभागिता जनाउन कुनै शुल्क लाग्दैन । यसका सहभागिता जनाउन दर्शकले इन्ट्री पास मात्र लिए पुग्छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया