काठमाडौं, पुस १४
लिबर्टी इनर्जी कम्पनी लि.को दशौं वार्षिक साधारणसभा सम्पन्न भएको छ । सञ्चालक समितिका अध्यक्ष कुश कुमार जोशीको सभापतित्वमा गत शुक्रबार साधारणसभा सम्पन्न भएको हो । उक्त साधारणसभाले कम्पनीको आर्थिक वर्ष २०७५/०७६ को वार्षिक प्रतिवेदन तथा वित्तीय विवरण पारित गर्ने लगायतका प्रस्तावहरु परित गरेको छ । कम्पनीको कुल जारी पुँजी १ अर्ब ५० करोडमध्ये १ अर्ब १२ करोड ५० लाख रुपैयाँ संस्थापक सेयर चुक्ता भइसकेको छ । बाँकी ३७ करोड ५० लाख रुपैयाँ बराबरको आयोजना प्रभावित स्थानीय तथा सर्वसाधारण समेतलाई साधारण सेयर (आईपीओ) जारी गर्न एनआईबीएल एस क्यापिटल लि.सँग सम्झौता भई धितोपत्र बोर्डबाट अन्तिम स्वीकृतिको लागि सम्पूर्ण कागजातहरु पेश गरिएको कम्पनीले जनाएको छ ।
हाल कम्पनीले ३ वटा जलविद्युत् आयोजनाहरु लमजुङ जिल्लामा माथिल्लो दोर्दी ‘ए’ र लोदो खोला साना जलविद्युत् आयोजना र बाग्लुङ जिल्लामा बडिगाढ खोला जलविद्युत् आयोजना अघि बढाएको छ । उक्त आयोजनाहरुमध्ये लमजुङ जिल्लास्थित २५ मे.वा. क्षमताको माथिल्लो दोर्दी ‘ए’ जलविद्युत् आयोजनाको हालसम्म करिब ९५ प्रतिशत निर्माण कार्य सम्पन्न भइसकेको र व्यापारिक उत्पादन गर्नुपर्ने मिति गत भदौ १४ रहे पनि गत साउन ८ गते दोर्दी खोलामा आएको भीषण बाढीले गर्दा आयोजनामा क्षति पु-याई निर्माणकार्यमा केही ढिला हुने भएकोले व्यापारिक उत्पादन मिति संशोधन गरिएको कम्पनीले जनाएको छ । आयोजनाको काम द्रुतगतिमा भइरहेको कम्पनीका प्रबन्धसञ्चालक डा. आत्माराम घिमिरेले जानकारी दिए ।
साथै कम्पनीद्वारा सर्भेक्षण अनुमतिपत्र प्राप्त २४.६ मे.वा. क्षमताको बडिगाड खोला जलविद्युत् आयोजनाको सम्भाव्यता अध्ययन सम्पन्न भई आईईईको टीओआर समेत स्वीकृत भई अन्तिम स्वीकृतिको प्रक्रियामा रहेको छ । १.६ मे.वा क्षमताको लोदो खोला साना जलविद्युत् आयोजनाको सम्भाव्यता अध्ययन सम्पन्न भई आईई रिपोर्ट पेश भएको र नेपाल विद्युत् प्राधिकरणसँग कनेक्सन एग्रिमेन्ट सम्पन्न भई पीपीए हुने चरणमा रहेका छन् । कम्पनीका सेयरधनीहरुको उल्लेख्य उपस्थिति रहेको उक्त साधारणसभा सम्पूर्ण सेयरधनीहरुको जिज्ञासाको जवाफ दिँदै सौहार्दपूर्ण रुपमा उल्लासपूर्वक सम्पन्न भएको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया