कतार एयरवेजद्वारा यात्रुहरुको सुविधाका लागि टिकटको थप विकल्प

काठमाडौं ।
कतार एयरवेजले आफ्ना यात्रुहरुलाई थप सुविधा एवं विकल्प प्रदान गर्ने क्रममा सम्पूर्ण टिकट श्रेणीमा नयाँ एवं सरल टिकट विकल्पहरु ल्याएको छ । कतार एयरवेजले अबदेखि ६ श्रेणीमा टिकटहरु वितरण गर्ने बताएको छ । कम्पनीका अनुसार बिजनेस क्लासमा क्लासिक, कम्फर्ट, इलाइट र इकनमीमा क्लासिक, कन्भिनियन्स, कम्फर्ट टिकटहरु वितरण गर्नेछ । यात्रुहरुले आफ्नो रोजाइमा विभिन्न प्रकारको टिकटअनुसार सेवा सुविधा प्राप्त गर्नेछन् । जस्तै, इकनमी क्लास टिकट खरिद गर्ने यात्रुले प्रत्येक एक श्रेणीमाथिको टिकट खरिदमा थप पाँच किलो ब्यागेज आफूसँग लग्न पाउनेछन् ।

इकनमी क्लास कम्फर्ट टिकट खरिद गर्ने यात्रुले थप सुविधास्वरुप आफूले इच्छाएको सिट छनौट गर्ने पाउनेछन् भने इकनमी कम्फर्ट वा बिजनेस एलिट टिकट खरिद गर्ने यात्रुले यात्राको मिति असीमित परिवर्तन र विना कुनै शुल्क टिकट शुल्क फिर्ताको सुविधा पाउनेछन् । त्यसैगरी सबै श्रेणीमा कतार एयरवेज प्रिभिलेज क्लबका सदस्यहरुले थप क्युमाइल्स प्राप्त गर्नेछन् ।