रोयल इन्फिल्ड ब्राण्डको दुई मोटरसाइकल सार्वजनिक

काठमाडौं ।
रोयल इन्फिल्ड ब्रान्डले आफ्नो सबैभन्दा लोकप्रिय मोडल क्लासिक ३ सय ५० सीसीको सिंगल भेरियन्टअन्तर्गत दुई नयाँ आकर्षक रङ्गहरू एयरब्रोन ब्लु र स्ट्रोमराइडर स्यान्ड सार्वजनिक गरेको छ । रेट्रो लुक्स र म्याटफिनिस भएको यस मोटरसाइकलमा थप सुरक्षाको लागी डुअल च्यानल एबीसी पनि राखिएको छ । सुरुवाती दिनहरूदेखि नै सफलता हासिल गर्दै आएको यस रोयल इन्फिल्ड ब्रान्डका मोटरसाइकलहरूले आफ्नो गौरवमय इतिहासलाई निरन्तरता दिँदै यो मोटरसाइकल बजारमा ल्याएको हो । आजको नयाँ पिँढीलाई लक्षित गरेर बनाइएको भए पनि यस मोटरसाइकलले युवादेखि वृद्धसम्म सबैको मन जितिरहेको कम्पनीको भनाइ छ । साथै अझ धेरै मानिसहरूको मनमा बस्ने कम्पनीको दाबी छ ।

नेपालका लागि आधिकारिक बिक्रेता विवेक अटोमोबाइल्स प्रालिले आफ्नो १९ वटै शाखा तथा डिलरहरूमा क्लासिक तीन सय ५० बिक्री प्रवर्द्धन सुरु गर्ने भएको छ । यस्को मूल्य ५ लाख ९९ हजार नौ सय ९ सय ९९ रुपैयाँ तोकिएको कम्पनीले जनाएको छ । यी मोटरसाइकलको आइतबारदेखि बुकिङ तथा बिक्रीवितरण सुरु गरिने कम्पनीको भनाइ छ । सन् २००८ देखि बिक्रीवितरणमा आएको रोयल इन्फिल्ड क्लासिक ३ सय ५० मोडेलका मोटरसाइकलहरूले दोस्रो विश्वयुद्धपश्चात् ब्रिटिश मोटरसाइकलहरूको स्मरण गराउँछ, जुन सरल तर एकदमै मजबुत थिए ।