काठमाडौं, पुस १६
नाडा अटोमोबाइल्स एसोसिएसन अफ नेपालको नयाँ कार्यसमितिका पदाधिकारीहरु चयन भएका छन् । नाडाको संशोधित विधान २०७१ को दफा २०.७ बमोजिम सोमबार केन्द्रीय कार्य समितिका पदाधिकारीहरुको निर्वाचन कार्य सम्पन्न भएको हो । नाडाको गत पुस ४ गते भएको साधारणसभाले कृष्णप्रसाद दुलालको अध्यक्षतामा नयाँ कार्यसमिति चयन गरेको थियो । विधानअनुसार कार्यसमिति सदस्यबाट पदाधीकारीहरु मनोनीत गरिने व्यवस्था छ । सोही व्यवस्थाबमोजिम सोमबार बसेको नयाँ कार्यसमितिको पहिलो बैठकले पदाधिकारी चयन गरेको नाडाले जनाएको छ ।
विधानअनुसार नाडाको पदाधिकारीमा निवर्तमान अध्यक्ष सम्भुप्रसाद दाहाल, संस्थागत उपाध्यक्षमा सुवास आचार्य र नवराज डल्लाकोटी, उपाध्यक्षमा करण चौधरी र आकाश गोल्छा चयन भएका छन् । यस्तै महासचिवमा सुनील रिजाल, सचिवमा अनुपकुमार बराल, कोषध्यक्षमा सुरेन्द्रकुमार उप्रेती र सह–कोषाध्यक्षमा विक्रम सिंघानीया चयन भएका छन् । त्यस्तै संस्थागत केन्द्रीय कार्यसमिति सदस्य ध्रुबबहादुर थापा, संस्थागत केन्द्रीय कार्यसमिति सदस्य ऋषिकुमार ढकाल चयन भएका छन् भने केन्द्रीय कार्यसमिति सदस्यमा राजनबाबु श्रेष्ठ, अभिक ज्योति, मिलनबाबु मल्ल, दीपक अग्रवाल, निराकार श्रेष्ठ, सुरज भट्टराई, पंकज अग्रवाल र निलमणि पाठक रहेका छन् । त्यसैगरि अध्यक्षबार केन्द्रिय कार्यसमिति सदस्यमा प्रकाश कपुरी, कपिल शिवाकोटी र शुभासिस थपलिया मनोनीत भएका छन् ।
बैठकमा नाडाका निवर्तमान अध्यक्ष शम्भुप्रसाद दाहालले नयाँ अध्यक्ष कृष्णप्रसाद दुलाललाई कार्यभार हस्तान्तरण गरेका थिए । त्यस्तै नाडाले राजनबाबु श्रेष्ठलाई नाडा अटो–शोको संयोजक चयन गरेको छ । टु–ह्विलर्स समितिको सभापतिमा अभिक ज्योति, फोर ह्विलर्स समितिको सभापति करण चौधरी तथा सडक सुरक्षा तथा वातावरण समिति सभापतिमा निराकार श्रेष्ठ, ट्याक्टर–वर्कसप समितिको संयोजकमा कपिल शिवाकोटी, राजस्व समितिको संयोजकमा दीपक अग्रवाल र प्रचार समितिको संयोजकमा अनुप बराललाई चयन गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया