महिन्द्रा केयर फेस्ट २०२१ आयोजना हुने

काठमाडौं ।
नेपालका लागि महिन्द्रा गाडीको आधिकारिक बिक्रेता अग्नि ग्रुपअन्तर्गत बालाजु अटो वर्क्स प्रालिले महिन्द्रा केयर फेस्ट २०२१ को आयोजना गर्ने भएको छ । कम्पनीले पुस २६ गतेदेखि माघ २ गतेसम्म देशव्यापी रुपमा महिन्द्रा केयर फेस्ट आयोजना गर्न लागेको हो । सो अवधिभरि महिन्द्राका नेपालभर रहेका सम्पूर्ण आधिकारिक सर्भिस सेन्टरमा महिन्द्राका दक्ष प्राविधिकहरुबाट गाडीको फ्रि ६० पोइन्ट भेहिकल चेकअपका साथै अन्य विशेष छुट तथा आकर्षक उपहारहरु प्राप्त गर्न सकिनेछ ।

प्रत्येक वर्ष ग्राहकहरुलाई थप सेवा प्रदान गर्न देशव्यापी रुपमा महिन्द्राले सञ्चालन गर्दै आएको महिन्द्रा केयर फेस्ट क्याम्प यस वर्ष कोभिड–१९ का सतर्कता अपनाएर आयोजना गर्न लागिएको कम्पनीले जनाएको छ । साथै यस केयर फेस्टमा ग्राहकहरुको उल्लासपूर्ण सहभागिता रहने अपेक्षा पनि गरिएको कम्पनीको भनाइ छ ।