यति कार्पेटको उत्पादन र बिक्री सुरु

काठमाडौं ।
केडिया अर्गनाइजेसनको उत्पादन यति कार्पेटले आफ्नो उत्पादन बजारमा ल्याएको छ । कम्पनीले विभिन्न आकर्षक रङ्गमा उत्कृष्ट कार्पेटहरु उत्पादन गर्दै आइरहेको छ । यति कार्पेटले नेपालमा आफ्नो उत्पादनको ३० वर्षको इतिहास कायम गरेको कम्पनीले जनाएको छ ।

विभिन्न आकर्षक डिजाइन तथा रङ्गहरुमा बजारमा उपलब्ध यति कार्पेटले आफ्नो उत्पादनलाई विगतभन्दा तीन गुणा बढाएको छ । विश्वको उत्कृष्ट जर्मन प्रविधिबाट उत्पादन गरिने यति कार्पेट अझै धेरै गुणस्तरयुक्त रहेको कम्पनीको दाबी छ । यति फ्लोरिङ्ग नेपालकै सबैभन्दा ठूलो कार्पेट उत्पादक कम्पनी हो । कम्पनीबाट उत्पादित कार्पेटले ग्राहकको मन जित्न सफल भएको छ ।

कम्पनीले सुरुवाती उत्पादनदेखि नै ग्राहकमुखी गुणस्तर र एकरुपताको निरन्तरतालाई अंगालेका कारण जुनसुकै कार्पेट पसलमा ग्राहकहरु यतिको सामान माग्दै आउने गरेको कम्पनीको दाबी छ । घरको शोभा बढाउनु तथा सुन्दर र सफा बनाउनु नै यति कार्पेटको अमूल्य पहिचान भएको केडिया अर्गनाइजेसनका अध्यक्ष अनिल केडियाले बताए । यति कार्पेट सर्वत्र बजारमा उपलब्ध भएको उनको भनाइ थियो ।