भायानेटले ल्यायो ईएमआई अफर

काठमाडौं ।
भायानेटले आफ्ना ग्राहकहरुलाई सस्तो मूल्यमा उत्कृष्ट इन्टरनेट प्रदान गर्नको लागि ईएमआई अफर ल्याएको छ । यस अफरअन्तर्गत ग्राहकहरुले आफूले लिनचाहेको भायानेट इन्टरनेटको प्याकेजको वार्षिक ग्राहक बन्दा एकमुष्ट रकम नतिरी ईएमआई अर्थात् मासिक किस्ताबन्दीमा सरलरुपले शुल्क तिर्न सकिने प्रावधान छ ।

यो अफरमार्फत ग्राहकले १२ महिनाको अवधिको मासिक ईएमआई मात्र १ हजार नौ सय ५६ रुपैयाँ तिरेमा पाउनेछन् । उक्त मूल्यमा १२ महिना अवधिको ३० एमबीपीएस इन्टरनेट र भायाटिभी टेलिभिजन प्याकेज र त्यससम्बन्धी लाग्ने सबै जडान खर्च, फाइबर वाइफाइ डिभाइस र एउटा सेट–टप–बक्स (वैकल्पिक) सहित ग्राहकले पाउनेछन् ।

ईएमआई अफर लिने ग्राहकलाई थप एक हजार रिवार्ड प्वाइन्ट पनि उपलब्ध गराइने कम्पनीले जनाएको छ । यो अफर भायानेटको अन्य प्याकेजमा पनि उपलब्ध छ । यो अफर हाल एनआईसी एसिया बैंकको क्रेडिट कार्ड ग्राहकहरुको लागि सीमित छ । तर छिट्टै नबिल बैंक र अन्य बैंकहरुसँग पनि समझदारी हुने बताइएको छ ।

यसरी ईएमआईमा पैसा तिर्दा ग्राहकहरुले एक वर्षको इन्टरनेटसहित जडान खर्च र डिभाइसहरुको मूल्य सजिलै मासिक रुपमा विस्तारै तिर्ने सुविधा प्रदान गरिएको छ । भायानेट नेपालभरि व्यावसायिक र व्यक्तिगत प्रयोजनका लागि उच्च गतिको इन्टरनेट कनेक्टिभिटी र गुणस्तरीय टेलिभिजन सेवा प्रदायक हो । आफ्ना ग्राहकहरुलाई सेवाहरु र अफरहरु प्रदान गर्ने कुरामा भायानेट सधैँ अगाडि रहेको कम्पनीको भनाइ छ ।