काठमाडौं, पुस २१
मुलुकभित्र उद्यमशीलता विकासमा सहकार्य गर्ने उद्देश्यले नेपाल उद्योग वाणिज्य महासंघ र सनराइज बैंक लिमिटेडबीच आइतबार एक सहमतिपत्रमा हस्ताक्षर भएको छ । महासंघकी अध्यक्ष भवानी राणाको उपस्थितिमा सहमतिपत्रमा महासंघका महानिर्देशक धरणीधर खतिवडा र सनराइज बैंकका नायब प्रमुख कार्यकारी अधिकृत आशा राणा अधिकारीले हस्ताक्षर गरेका हुन् ।
महासंघ र सनराइज बैंक बीचको सहमतिअनुसार महासंघमा आबद्व उद्यमीहरूलाई बैंकले उपलब्ध गराउने कर्जा उपभोग गर्दाको फाइदा, कर्जासँग सम्बन्धित जानकारीमूलक कार्यक्रमका साथै विशेषतः महिलाहरूको उद्यमशीलता तथा महिला सशक्तीकरणका लागि सहुलियतपूर्ण कर्जाको अभिमुखीकरण कार्यक्रम सञ्चालन गरिनेछ ।
सहकार्यबाट महिला उद्यमशीलता विकासमा थप सहयोग पुग्नुका साथै यस्ता अभिमुखिकरण कार्यक्रमको माध्यमबाट महासंघसँग आबद्ध संघ/संस्थाका उद्यमीहरूमाझ बैंकिङ पहुच पुग्ने विश्वास लिइएको छ । अभिमुखीकरण कार्यक्रममा आयात तथा निर्यात व्यापारको वस्तुस्थितिका साथै सो वापत प्राप्त हुने अनुदानबारे पनि जानकारी गराइनेछ ।
सहमतिपत्र हस्ताक्षर कार्यक्रमलाई संवोधन गर्दै महासंघका अध्यक्ष राणाले सनराइज बैंक र महासंघबीचको सहकार्य महिलालाई अर्थतन्त्रको मूल प्रवाहमा समाहित गरी मुलुकभित्र उद्यमशीलता विकास गर्ने कार्यमा कोशेढुंगा हुने बताइन् । आर्थिक रूपमा महिला सशक्त नभएसम्म मुलुकले लिएको आर्थिक समृद्धिको लक्ष्य हासिल हुन नसक्ने भन्दै अध्यक्ष राणाले महासंघ र बैंकबीचको यो सहकार्यले महिलाको आर्थिक सशक्तीकरणमा सहयोग पु-याउने बताइन् ।
कार्यक्रममा महासंघको महिला उद्यमी विकास समितिका सभापति कमला श्रेष्ठ र महासंघका महानिर्देशक धरणीधर खतिवडाले सहमतिपत्रमा उल्लेख भएका बुँदाहरूलाई अक्षरशः पालना गरी बैंकिङ पहुंच पुग्न नसकेका ठाउँका महिलाहरूको आर्थिक सशक्तीकरणमा प्रभावकारी ढंगले काम गर्ने प्रतिबद्धता जनाए । सनराइज बैंकका नायब प्रमुख कार्यकारी अधिकृत आशा राणा अधिकारीले महासंघसंगको सहकार्यबाट आफूहरू निकै उत्साहित भएको बताइन् ।
उनले केही वर्षअघि पनि महासंघसँग यस्तै सहकार्य भएको स्मरण गर्दै उद्यमीहरूलाई बैंकले उपलब्ध गराउने कर्जा उपभोग गर्दाको फाइदा, कर्जासँग सम्बन्धित जानकारीमूलक सूचनाहरूलाई लक्षित वर्गसम्म पु¥याई लाभान्वित बनाउनु नै कार्यक्रमको प्रमुख ध्येय भएको स्पष्ट पारिन् । कार्यक्रममा महासंघको सामाजिक सेवा समितिका सभापति जयप्रसाद सिवाकोटी, महासंघ र सनराइज बैंकका वरिष्ठ अधिकारीहरूको उपस्थिति रहेको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया