बेनेली मोटरसाइकलको टेष्ट ड्राइभ कार्यक्रम

काठमाडौं ।
इटालियन ब्राण्डको मोटरसाइकल बेनेलीले बुधबार ‘बेनेली टेष्ट ड्राइभ कार्यक्रम’को आयोजना गरेको छ । कम्पनीका विभिन्न शोरुमहरु काठमाडौं, बुटवल, चितवनलगायतका ठाउँमा गएर बेनेलीको टेष्ट ड्राइभ गर्न सकिने कम्पनीले जनाएको छ । सहभागी चालकहरुले मोटरसाइकल चढेर परीक्षण गर्दा आकर्षक उपहार पनि जित्न सक्नेछन् ।

त्यसैगरी नेपालमा पहिलोपटक बेनेलीको नयाँ मोडल १८०एस को उत्कृष्ट डिजाइनका साथ उद्घाटन हुने भएको छ । सधैँ झैँ यसले पनि चालकको आवश्यकतालाई मध्यनजर गर्दै एउटा नयाँ उत्साह थप्दै आनन्दको अनुभव गराउने कम्पनीको भनाइ छ । केटीएम इन्टरनेशनल ट्रेडिङ्ग प्रालि यसको नेपालको एक मात्र आधिकारिक बिक्रेता रहेको छ । सन् २०१६ देखि नै नेपाली बजारमा विभिन्न बेनेली मोडेलका मोटरसाइकलको मागलाई केटीएमले बिक्री तथा वितरण गरिरहेको छ ।

बेनेली मोटरसाइकलले राम्रो माइलेज दिनुका साथै सुहाउँदो मूल्यमा मोटरसाइकल तथा पार्टपुर्जाहरु सजिलै उपलब्ध गराउँदै आएको कम्पनीले जनाएको छ । बेनेली प्रख्यात इटालियन ब्राण्डको मोटरसाइकल कम्पनी हो । यो मोटरसाइकल सन् १९११ देखि नै प्रत्येक चालकको रोजाइ बन्नपुगेको छ । यी मोटरसाइकलहरुको बजारमा अत्यन्तै माग रहेको हुँदा चालकहरुले पनि यसबाट आरामदायी यात्राको अनुभूति गरेको पाइन्छ ।