नयाँ निशान म्याग्नाइट कार नेपाली बजारमा

काठमाडौं । पायोनियर मोटो कर्प प्रालिले नयाँ निशान म्यागनाइट कार सार्वजनिक गरेको छ । कम्पनीले सोमबार राजधानीमा एक कार्यक्रम गर्दै नयाँ कार सार्वजनिक गरेको हो । सार्वजनिकसँगै सो कार एकसाथ नेपालभरका सबै डिलरहरुमार्फत बुकिङ खुल्ला गरेको समेत कम्पनीले जनाएको छ । ग्राहकहरुले निशान नेपालको वेबसाइटमा गएर यस एसयूभीको बुकिङ गर्नसक्नेछन् ।

कम्पनीले नेपाली बजारमा निशान म्याग्नाइटको मूल्य २९ लाख ४९ हजार रुपैयाँ तोकेको छ । यी गाडीहरु बिग, बोल्ड, ब्युटिफुल र अति आकर्षक रहेको कम्पनीको भनाइ छ । निशान मोटर इण्डियाका अध्यक्ष तथा दक्षिण एसिया बजारका इन्चार्ज सिनन ओजकोकका अनुसार निशासन म्याग्नाइटले निशान नेस्क्टको नेपाली र विश्व बजारका लागि तय गरिएको रणनीतिमा नयाँ अध्यायको सुरुवात गर्नेछ । ‘मेक इन इण्डिया, मेक फर द वल्ड’को नारासहित नयाँ निशान म्याग्नाइटमा २० वटाभन्दा बढी प्रथम श्रेणी र वेष्ट–इन–सेगमेन्टका सुविधाहरु रहेको र यसले उपभोक्ताहरुलाई नवीनतम रुपमा आधिकारिकता अनुभव गर्ने अवसर प्रदान गर्ने कम्पनीको भनाइ छ ।

निशान म्याग्नाइटमा प्रख्यात क्रुज कन्ट्रोल र ३६० डिग्री भ्यू जस्ता प्रविधिहरु समावेश छन् । यसका हरेक मोडलहरु नेपाली प्रयोगकर्ताको आकांक्षा पूरा गर्ने ढंगबाट गहनताका साथ डिजाइन गरिएको पायोनियर मोटो कर्पका प्रबन्धनिर्देशक सन्दीपकुमार शारदाको भनाइ छ । यस गाडीले नेपाली बजारमा गेम चेन्जरको भूमिका निर्वाह गर्ने कार्यक्रममा कम्पनीका डाइरेक्टर गौरव शारदाले बताए ।