जेसीबीद्वारा नयाँ मेसिन ‘साइड इन्जिन टेलिह्यान्डलर’ सार्वजनिक

काठमाडौं ।
नेपालका लागि जेसीबी ब्रान्डका हेभी इक्विपमेन्ट तथा निर्माण उपकरणको आधिकारिक विक्रेता एमएडब्लु अर्थमुभर्सले जेसीबीको नयाँ मेसिन ‘साइड इन्जिन टेलिह्यान्डलर’ नेपालमा सार्वजनिक गरेको छ । नेपाल इँट्टा उद्योग महासंघका कोषाध्यक्ष कृष्ण अवाले र हिरा ब्रिक्स इन्डस्ट्रिजका प्रबन्धनिर्देशक हिराकाजी श्रेष्ठले संयुक्त रुपमा भच्र्युअल माध्यमबाट उक्त मेसिनको सार्वजनिक गरेका हुन् ।

कम्पनीका अनुसार जेसीबी ‘साइड इन्जिन टेलिह्यान्डलर’ ७ र ११ मिटर गरी दुई भेरियन्टमा उपलब्ध रहेको छ । नयाँ मेसिनमा साइड इन्जिन, साँघुरो च्यासिस, ग्लास डोर, क्याबमुनिको फ्युल ट्यांक, ब्याट्री कम्पार्टमेन्ट, लिफ्ट यार्मजडित सिंगल बुमजस्ता फिचर छन्, जसले हाइड्रोलिक साइकल टाइममा २८ प्रतिशत सुधार गर्नुका साथै उत्पादकत्वमा ३३ प्रतिशत वृद्धि गर्ने बताइएको छ । इन्जिनलाई साइडमा सारिएको छ जसले ध्वनिलाई काम गर्नुका साथै अपरेटरलाई सहज बनाउँछ । त्यसैगरी, हाइड्रोलिक ट्यांकलाई पछाडि सारिएको छ जसले मेसिनको सन्तुलनलाई राम्रो बनाउँछ ।

नयाँ मेसिनमा ‘क्विक हिच’ रहेको छ जसले बकेट परिवर्तन गर्न र एट्याचमेन्टहरु परिवर्तन गर्न सहज बनाएर मेसिनको पर्फरमेन्समा तीव्रता ल्याउँछ । यी विशेषताहरुका कारण नयाँ जेसीबी ‘साइड इन्जिन टेलिह्यान्डलर’ले ग्राहकको अपेक्षा पूरा गर्नुका साथै नेपाली निर्माण उपकरण बजारमा गेम चेन्जर साबित हुन कम्पनीको दाबी छ । नयाँ मेसिनको डिजाइन र पर्फरमेन्स जेसीबीको ग्लोबल मापदण्डमा आधारित रहेको र जसले मेसिन मालिक र अपरेटर दुवैलाई फाइदा दिलाउने कम्पनीको भनाइ छ ।