डिशहोमको रिचार्जमा इन्टरनेट सित्तैमा

काठमाडौं ।
डिशहोमका ग्राहकहरुले अब डिशहोमको रिचार्ज गर्दा १० एमबीपीएस इन्टरनेट सित्तैमा पाउने भएका छन् । डिशहोम फाइबर नेटले सेवा सुरु गरेसँगै डिशहोम फाइबरनेट उपलब्ध एरियाका डिशहोमका ग्राहकहरुले उक्त सेवा पाउने भएका हुन् । डिशहोमको रिचार्ज गरी मासिक, त्रैमासिक अर्धवार्षिक वार्षिक रिचार्जमा सोही अवधिको लागि १० एमबीपीएस स्पिडको इन्टरनेट निःशुल्क प्रयोग गर्न सक्नेछन् ।

डिशहोमका ग्राहकहरुले फ्रि इन्टरनेट सेवासँग आफ्नै मोबाइलमा डिशहोम गो एपमार्फत ७० भन्दा धेरै डिशहोमका च्यानलहरूका साथै भीओडीमार्फत नयाँ–नयाँ मनोरञ्जनात्मक कार्यक्रमहरु हेर्न सक्नेछन् । डिशहोम गो वेभमार्फत ग्राहकले आफ्नै डेस्कटप तथा ल्यापटपमा पनि डिशहोमका च्यानलहरुको आनन्द लिन सक्नेछन् । साथै भीओडीमा हजारौँ घण्टाका मनोरञ्जनात्मक कार्यक्रमहरुविना अतिरिक्त शुल्क आफ्नै समयमा हेरेर मज्जा लिन सक्नेछन् । डिशहोम फाइबर नेटले हाल बजारमा १० एमबीपीएस, २५ एमबीपीएस र ४० एमबीपीएसका प्याकेजहरु उपलब्ध गराएको छ ।