टीसीएलको नयाँ वर्ष अफरमा ७२ हजारसम्मको क्यासब्याक उपहार

काठमाडौं ।
इलेक्ट्रोनिक्स तथा होम एप्लायन्सका लागि चर्चित ब्रान्ड टीसीएलले नयाँ वर्ष २०७८ को उपलक्ष्यमा ७२ हजारसम्मको क्यासब्याक उपहार पाइने अफर सार्वजनिक गरेको छ । यस नयाँ वर्षको अफरमा टीसीएलका टिभी, वासिङ्ग मेसिन, एअर कन्डिसनर आदि खरिद गर्दा ग्राहकहरुले क्यासब्याक पाउन सक्नेछन् । ग्राहकले तीन वर्षको वारेन्टी भएको टिभीमा ७२ हजार नौ सय रुपैयाँसम्मको क्यासब्याक, मोटर र पीसीबीमा पाँच वर्षको वारेन्टी भएको फ्रन्ट लोडिङ्ग वासिङ्ग मेसिनमा पाँच किलो एक्स्ट्रा वासिङ्ग पाउडर र १४ हजार छ सय रुपैयाँसम्मको क्यासब्याक पाउन सक्नेछन् ।

त्यसैगरी ग्राहकले मोटरमा तीन वर्षको वारेन्टी भएको टप लोडिङ्ग वासिङ्ग मेसिनमा पाँच किलो एक्स्ट्रा वासिङ्ग पाउडर र सात हजार पाँच सय रुपैयाँसम्मको क्यासब्याक तथा एअर कन्डिसनरमा पाँच वर्षको वारेन्टीका साथै निःशुल्क जडानको सुविधा पनि पाउने कम्पनीले जनाएको छ । आफ्नो जीवनशैलीलाई नयाँ वर्षको आगमनसँगै विशिष्ट तथा नयाँ प्रविधिले परिवर्तित गर्न चाहने ग्राहकहरूका लागि टीसीएलले ल्याएको यो अफर एकदम राम्रो रहेको बताइएको छ । यो अफर चैत ११ गतेदेखि लागू भएको कम्पनीले जनाएको छ ।