वेलकम एड्भरटाईजिङको ३०औं वार्षिकोत्सव भव्य रुपमा मनाइयो

काठमाडौं ।
वेलकम एड्भरटाइजिङ ग्रुपले सोमबार आफनो ३०औँ वार्षिकोत्सव भव्य रुपमा मनाएको छ । स्थापनाकालको २९औँ वर्षको अनवरत यात्रा पार गर्दै ३०औँ वर्षमा प्रवेश गरेको उपलक्ष्यमा ग्रुपले काठमाडौंस्थित आफ्नै प्रांगणमा विशेष कार्यक्रम आयोजना गरी भव्य रुपमा वार्षिकोत्सव मनाएको हो ।

उक्त अवसरमा संस्थाका सञ्चालक निर्मलराज पौडेलले विज्ञापनदाताको चाहनाअनुरुप विज्ञापन उपलब्ध गराउन पाउँदा विज्ञापनदाता, शुभेच्छुकप्रति गौरवान्वित महसुस गर्नुका साथै संस्था तथा संस्थामा कार्यरत सम्पूर्ण कर्मचारी आउदा दिनमा समयानुकूल आफूलाई परिवर्तन गर्दै अझै प्रभावकारी ढंगले आफ्नो सेवा प्रवाह गर्दै लैजाने विश्वास व्यक्त गरे ।

ग्रुपले आफनो आर्थिक दायित्व पूरा गर्दै समाजलाई विज्ञापनमार्फत सन्देश प्रवाह गर्न सफल भएको बताएको छ । हाल आफ्नो कार्य दायरा बढाउँदै ग्रुपले वेलकम इभेन्टम्यानेजमेन्ट, अंग्रेजी अनलाइन पत्रिका सीईओ, वेलकम एड्भरटाइजिङ्ग प्रोडक्सन तथा वलेकम डेभलपर्स पनि सञ्चालन गर्दै आएको छ । २०४८ चैत २३ मा स्थापित सो संस्थाले विज्ञापनजगत्मा एउटा छुट्टै पहिचान बनाउन सफल भएको छ ।