क्रिएसन र कोका–कोलाद्वारा स्वास्थ्यशिविर आयोजना

काठमाडौं ।
क्रिएसन, कोका–कोला फाउन्डेसन र बोटलर्स नेपाल (तराई) लिमिटेडको संयुक्त सहयोगमा विश्व स्वास्थ्य दिवस २०२१ को अवसरमा सफाइकर्मीको लागि व्यावसायिक सुरक्षा प्रशिक्षण र स्वास्थ्यशिविरको आयोजना गरिएको छ ।

कायक्रममा कामको बखत र काम सकिएपछाडि सुरक्षा उपायहरु, विभिन्न सुरक्षा गियरको प्रयोग, साइटमा व्यावसायिक दुर्घटनाहरुको रोकथाम र सुरक्षित भएर काम गर्ने अवस्थाको लागि आगो निभाउने उपकरण र अन्य सुरक्षा उपकरणहरुको प्रयोगसम्बन्धी एक सत्र समावेश थियो । साथै सुरक्षा गियरसहित सुरक्षात्मक जुत्ता, टोपी, ज्याकेट, मास्क र ग्लोभ्सहरु पनि सफाइकर्मीलाई हस्तान्तरण गरिएको थियो ।

डा. अनुजराज कँडेलको नेतृत्वमा रहेको स्वास्थ्यशिविरमा सफाइकर्मीको स्वास्थ्य समस्या र मुद्दाहरुबारे मेडिकल चेकअप र परामर्श सामेल थियो । कार्यव्रmमको अन्य प्रमुख आकर्षणहरुमध्ये एक बेलिङ्ग साइटहरुका कर्मचारीका लागि श्रम सम्झौताको हस्तान्तरण गरिएको थियो । यो सम्झौता बेलरहरुलाई काम गर्नेबेला अवस्थामा औपचारिक रुपमा उनीहरुलाई मद्दत गर्न र कामदारहरुको फाइदाको लागि सहयोग पु-याउन ल्याइएको हो ।