नयाँ इ–कमर्स कम्पनी शृंगार डटकम सञ्चालनमा

काठमाडौं ।
नेपाली बजारमा ब्राण्डेड तथा ओरिजिनल सामानहरु मात्र बिक्री गर्ने गरी शृंगार डटकम नामक इ–कमर्स कम्पनी हालै मात्र नेपालमा सुरु भएको छ । शृंगार डटकमका व्यवस्थापक रवी दुवालका अनुसार, शृंगार डटकममा केवल ब्राण्डेड कस्मेटिक्स, स्किनकेयर, तथा कपडाहरु खरिद गर्न सकिनेछ । यस कम्पनीमार्फत केवल ब्राण्डेड सामानहरुको बिक्री गर्ने बिक्रेताहरुले आफ्ना सामानहरु बिक्री गर्न सक्नेछन् । नेपाली युवा उद्यमीहरुले सञ्चालन गरेको यो इ–कमर्स कम्पनी गत वर्षको वैशाखदेखि परीक्षण सञ्चालन गरिरहेको छ । यो वैशाखदेखि पूर्ण रुपमा सञ्चालनमा आउने बताइएको छ ।

नेपालमा अहिले विस्तारै धेरै इ–कमर्स कम्पनीहरु सञ्चालनमा आउँदै छन् तथा केही आउने क्रममा छन् । यसले नेपालमा इ–कमर्सको व्यापार बढ्दो छ भन्ने बुझिन्छ । तर धेरैजसो अवस्थाहरुमा नेपाली ग्राहकहरुको प्रतिक्रिया मिश्रित आउने गरेका छन् । अनलाइनबाट किन्दा सामान राम्रो नभएको, डुप्लिकेट सामानहरु पाइएको तथा सामान समयमा डेलिभरी नभएको जनगुनासो पनि ग्राहकहरुले गर्दै आएका छन् । यो समस्यालाई शृंगार डटकम चिर्दै लैजानै व्यवस्थापक रवि दुवालले बताए । (आर्थिक दैनिकबाट)