दराजले लगाइदियो फ्रन्टलाइन कामदारहरुको लागि कोभिड खोप

काठमाडौं ।
अनलाइन शपिङ बजार दराजले स्वास्थ्य सेवा विभागको सहयोगमा आफ्नो सबै फ्रन्टलाइन र वितरण कर्मचारीहरुको लागि कोभिड १९ खोपहरू लगाउन सुरु गरेको छ । अलिबाबा समूहको स्वामित्वमा रहेका दराजले नेपाललगायत चार अरु दक्षिण एसियाली बजारमा सञ्चालन गरिरहेका छ ।

दराजले नेपालका विभिन्न सहरहरूमा छ सय कर्मचारीहरुलाई रोजगारी दिरहेको छ । तिनीहरूमध्ये आधा मुख्यतया रसद र डेलिभरी सेवाहरूमा काम गर्ने फ्रन्टलाइन कर्मचारीहरु छन् ।

गत २ हप्ताको अवधिमा देशभरिको विभिन्न सहरहरुबाट कर्मचारीहरुलाई काठमाडौँ ल्याएर खोप लगाई फिर्ता पठाएको कम्पनीले जनाएको छ । यसले गर्दा दराजको कर्मचारीहरु मात्र नभई उनीहरुको समाज र उनको परिवारहरुलाई पनि सुरक्षित राख्न मद्दत गर्नेछ ।

कोभिड–१९ को महामारी सुरु भएदेखि इ–कमर्स कम्पनी र उनका सम्बन्धित फ्रन्टलाइन कर्मचारीहरुले ग्राहकहरुलाई आवश्यक पर्ने चीजहरूको सजिलैसँग पहुँच गर्न महत्वपूर्ण भूमिका खेल्दै आएका छन् ।