पोखरा थन्डर्सलाई हुण्डाई नेपालको साथ

काठमाडौं ।
नेपालको लागि हुण्डार्ई गाडीको एक मात्र अधिकृत बिक्रेता लक्ष्मी इन्टरकन्टीनेन्टल प्रालिले नेपाल सुपर लिगको प्रथम संस्करणमा रहेको सात मध्यका एक टिम पोखरा थन्डर्सलाई प्लाटिनम स्पोन्सरको रुपमा प्रायोजन गरेको छ ।

नेपाल सुपर लिगको प्रथम संस्करण शनिबारदेखि सुरु भएको छ । यो संस्करण आगामी जेठ १ गतेसम्म चल्नेछ । ह्युन्डाइले विश्वभर नै खेलको विकास र प्रवद्र्धन गर्ने हेतुले विश्व कपको साथै विभिन्न लिग प्रतियोगिताहरुमा पनि प्रायोजन गर्दै आइरहेको छ ।

यसरी नैै लक्ष्मी हुन्डाईले पनि नेपालमा खेलकुद विकासको लागि विभिन्न खेलकुदहरु (फुटबल, गल्फ) मा प्रत्यक्ष रुपमा सहयोग गर्दै आइरहेको छ । लक्ष्मी ह्युन्डाइले बिगतमा नेपालको ‘ए’ डिभिजन टिम पनि १० वर्षसम्म प्रायोजन गरेको थियो ।

हुण्डाई मोटरले इङ्लिस प्रिमियर लिग सिजन २०१८/१९ देखि चार वर्षसम्मका लागि चेल्सी एफसीलाई प्रायोजन गरेको छ । फिफा प्रतियोगितामा विगत १० वर्षदेखि अफिसियल प्रायोजक रहेको छ । (आर्थिक दैनिकबाट)