काठमाडौं, माघ १
नाडाका अध्यक्ष कृष्णप्रसाद दुलालले नाडाकै सचिवालयमा मोरङ्ग उद्योग सङ्गठनका अध्यक्ष भिम घिमिरेको नेतृत्वमा आएको पाँच सदस्यीय प्रतिनिधिमण्डललाई स्वागत गरेको छ । यही २०७६ फागुन २ गतेदेखि १० गतेसम्म सञ्चालन हुने विराट एक्स्पो २० एग्रो एण्ड इन्टरनेशनल एक्जिविसनको प्रवद्र्धनका सन्दर्भमा आएको सो प्रतिनिधि मण्डललाई नाडाले स्वागत गरेको नाडाले जनाएको छ ।
आफनै सचिवालयमा स्वागत गर्दे अध्यक्ष दुलालले नाडालाई देशव्यापी बनाउन पहल भइरहेको भन्दै नेपालको पहिलो अटो उद्योग हुलास मोटर्स पूर्वमै स्थापना भएको, लुब्रिकेण्टस उद्योगहरु पनि धेरै पूर्वमै स्थापना भएको बताए । अब पनि अटोमोबाइल उद्योग स्थापना गर्नका लागि उद्योग सङ्गठन मोरङ्गले पहल गरोस भन्ने इच्छा व्यक्त गरे ।
सोहि छलफल तथा भेटघाट कार्यक्रममा मोरङ्ग उद्योग संङ्गठनका अध्यक्ष भीम घिमिरेले अध्यक्ष दुलाललाई निर्विरोध निर्वाचित भएकोमा बधाई दिँदै उनको नेतृत्व ऐतिहासिक होस् भन्ने कामना पनि गरे । उनले उद्योग व्यवसायको खस्किँदो अवस्थालाई उठाउन नाडाले आवश्यक पहल गर्नुपर्ने बताए । अटोमोबाइल व्यवसायको प्रवद्र्धन र सम्वद्र्धनका लागि नाडाले उल्लेख्य भूमिका निर्वाह गर्न सक्ने उनको भनाइ छ । सोही छलफलमा विराट एक्स्पो २० एग्रो एण्ड इन्टरनेशनल एक्जिविसनका संयोजक भोलेश्वर दुलालले सो एक्स्पोबारे जानकारी दिँदै उक्त प्रदर्शनीमा सहभागिताका लागि औपचारिक रुपमा निमन्त्रणा समेत गरे ।
उक्त छलफलमा नाडाका अध्यक्ष कृष्णप्रसाद दुलाललगायत महासचिव सुनिल रिजाल, सचिव अनुप बराल, सहकोषाध्यक्ष विक्रम सिंहानिया र केन्द्रीय कार्यसमिति सदस्य मिलनबाबु मल्ल, निलमणि पाठक, ध्रुव थापा, शुभाशिष थपलिया र पंकज अग्रवाल समेतको उपस्थिति रहेको थियो । त्यसैगरी मोरङ्ग उद्योग सङ्गठनको प्रतिनिधि मण्डलमा अध्यक्ष भीम घिमिरे लगायत भोलेश्वर दुलाल, सुयस प्याकुरेल, सुबोध कोइराला तथा चुँडामणि भट्टराई समेतको उपस्थिति रहेको थियो ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया