काठमाडौं ।
नेपाल चेम्बर अफ कमर्सले सम्पूर्ण उद्योगी तथा व्यवसायीलाई कोरोनाविरुद्धको खोप सुविधा उपलब्ध गराउन सरकारसँग आग्रह गरेको छ । कोरोना महामारीको समयमा पनि अग्रपंक्तिमा रहेर अत्यावश्यक उद्योग तथा व्यवसाय सञ्चालन गरिरहेको निजी क्षेत्र पनि जोखिमयुक्त वर्गमा पर्ने भएकोले किराना व्यवसायी, उद्योगी एवम उद्योग तथा यातायात क्षेत्रमा कार्यरत मजदूरहरुलाई दुवै चरणको खोपको व्यवस्था गर्न चेम्बरले सरकारसँग माग गरेको छ ।
नयाँ भेरिएन्टको कोभिड–१९ को दोस्रो चरणको महामारीले उद्योगी तथा व्यवसायीहरुलाई आक्रान्त तुल्याएको र समयमै कोरोनाविरुद्धको भ्याक्सिन उपलब्ध नभएकोले अग्रपंक्तिमा कार्यरत समस्त व्यावसायिक क्षेत्रको आत्मबलमा समेत ह्रास आएको चेम्बरको भनाइ छ । ‘मुलुकमा लकडाउन भई अधिकांश व्यवसायहरु बन्द अवस्थामा रहेका छन् भने अर्कोतर्फ कोरोनाविरुद्धको भ्याक्सिन उपलब्ध नभएकोले यसबाट उत्पन्न विषम परिस्थितिका कारण उद्योग व्यवसाय सञ्चालन गर्न समेत चुनौतीपूर्ण अवस्था सृजना हुन गएको छ’, चेम्बरद्वारा बुधबार जारी विज्ञप्तिमा भनिएको छ ।
कोरोना भाइरसबाट विश्व अर्थतन्त्रमा गम्भीर असर परेको छ । नेपालजस्तो अतिकम विकसित र आत्मनिर्भर हुन नसकेको मुलुकको लागि यसको प्रत्यक्ष प्रभाव निजी क्षेत्रमा समेत परेको चेम्बरको भनाइ छ । मुलुकको अर्थतन्त्रमा निजी क्षेत्रको महत्वपूर्ण भूमिका रहने र निजी क्षेत्रको आत्मबल वृद्धि भएमा मात्र आर्थिक विकास तथा रोजगारी अभिवृद्धि तथा राजस्वमा योगदान पुग्न जाने चेम्बरले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
- रास्वपाले दोस्रो चरणको आन्दोलन चलाउने
- साइबर प्रविधिमा आधारित ठगीमा विद्यार्थी बढी संलग्नः राष्ट्र बैंक
- जानकी विवाह महोत्सवको निम्तो दिन मुख्यमन्त्रीको टोली अयोध्या प्रस्थान
- बीमा प्राधिकरण र एक्चुरियल सोसाइटीबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया