काठमाडौं ।
निशान कम्पनीको आधिकारिक बिक्रेता पायोनियर मोटो कर्प प्रालिले नेपाली बजारमा विद्युतीय सवारीसाधन लिफ ईभी उपलब्ध गराएको छ । जेरो इमिसन विशेषता भएको निशान लिफ इलेक्ट्रिक भेहिकल (विद्युतीय सवारीसाधन) निशानको उत्कृष्ट, भरपर्दो र आकर्षक डिजाइनको नयाँ उत्पादन हो । जापानबाट आयात हुने यो पहिलो विद्युतीय सवारीसाधन हो ।
निर्माता कम्पनीको उद्देश्य समाजमा सवारीसाधनमा परिवर्तन ल्याउनुका साथै शक्तिशाली र सजिलो सवारीसाधन उपभोक्तासमक्ष पु-याउनु हो । यसको मूल्य ५९ लाख ९९ हजार तोकिएको छ ।
निशान मोटर इन्डियाका अध्यक्ष सिनान ओजकोकका अनुसार, विद्युतीय सवारीसाधनको सेग्मेन्टको लागि नयाँ अध्याय अंकित गर्दै निशानले नेपालमा दोस्रो जेनेरेसनको निशान लिफ सार्वजनिक गरेको हो । निशानको ’निशान इन्टेलिजेन्ट मोबिलिटी’अन्तर्गत ग्राहकहरुले स्मार्ट, आरामदायी, वातावरणमैत्री र सुरक्षित अनुभवको लाभ लिन सक्नेछन् ।
लिफ इलेक्ट्रिक भेहिकलको विशेषताबारे चर्चा गर्दै पायोनियर मोटो कर्प प्रालिका प्रबन्धनिर्देशक सन्दिप कुमार सारडाले इलेक्ट्रिक भेहिकलका विशेषताहरु र उपयोगिताबारे ग्राहकहरुलाई जानकारी गराउनुका साथै अब विश्वको भविष्य नै इलेक्ट्रिक भेहिकल भएको बताए ।
उनका अनुसार शून्य प्रदूषणसहितको उपयुक्त प्रविधिमा आधारित यो सवारीसाधन चालकदेखि यात्रुलाई समेत सुविधासम्पन्न र आरामदायी छ । निशान लिफ ईभीले आफ्ना ग्राहकहरुलाई सुरक्षित, स्मार्ट र सुविधासम्पन्न यात्रा गर्न थप सहजीकरण गर्ने पनि उनले उल्लेख गरे ।
कम्पनीका अनुसार यसको इन्टेलिजेन्ट पावरअन्तर्गत यसमा ४० किलोवाट हावरको ब्याट्री जडान गरिएको छ । यसलाई एकपल्ट चार्ज गर्दा तीन सय ११ किलोमिटरसम्म चलाउन सकिन्छ । यसको अधिकतम गुड्ने क्षमता प्रतिघण्टा १४० किलोमिटर छ ।
ग्राहकहरुले यसलाई सजिलैसँग चार्ज गर्न सक्नेछन् । घरमा नै डेडिकेटेड वाल आउटलेटबाट १५ देखि १८ घण्टामा र निशानको चार्जिङ्ग स्टेसनबाट ४० देखि ६० मिनेटमा फूल चार्ज गर्न सकिने कम्पनीले जनाएको छ । इन्टेलिजेन्ट ड्राइभिङअन्तर्गत निशान लिफको इ–पेडललाई चालकहरुले एकदमै रुचाएका छन् । यसले स्टार्ट गर्न, गति बढाउन र सजिलैसँग रोक्न सघाउँछ । यसमा ब्रेकले स्वचालित रुपमा काम गर्ने हुनाले ड्राइभ गर्न सजिलो मानिन्छ ।
निशान लिफ ११ वटा विभिन्न कलर अप्सनमा उपलब्ध हुनेछ, जसमा छवटा सिङ्गल–टोन कलर रहेको छ भने पाँचवटा डुअल–टोन कलर रहेको छ । निशान लिफ ईभीबाट एउटा गाडीबाट अर्को गाडीमा चार्ज गर्न सकिन्छ भने पावर होममा समेत पठाउन सकिन्छ । निशान लिफको ब्याट्रीमा कम्पनीले आठ वर्ष अथवा एक लाख ६० हजार किलोमिटरसम्मको वारेन्टी प्रदान गर्ने कम्पनीले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
- रास्वपाले दोस्रो चरणको आन्दोलन चलाउने
- साइबर प्रविधिमा आधारित ठगीमा विद्यार्थी बढी संलग्नः राष्ट्र बैंक
- जानकी विवाह महोत्सवको निम्तो दिन मुख्यमन्त्रीको टोली अयोध्या प्रस्थान
- बीमा प्राधिकरण र एक्चुरियल सोसाइटीबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया