रञ्जित आचार्यद्वारा नेपाल एम्बुलेन्स सेवाका नयाँ अध्यक्षलाई ब्याटन हस्तान्तरण
काठमाडौं । नेपाल एम्बुलेन्स सेवाका निवर्तमान अध्यक्ष रञ्जित आचार्यले नयाँ अध्यक्ष डा. प्रदीप वैद्यलाई ब्याटन हस्तान्तरण गरेका छन् । आचार्यले संस्थाको अध्यक्षका रुपमा आफ्नो तीन वर्षको कार्यकाल पूरा गरेका हुन् । उनको सम्मानमा आयोजित एक समारोहमा संस्थाका नयाँ अध्यक्ष डा. वैद्यलाई उनले ब्याटन हस्तान्तरण गरेका हुन् ।
नेपाल एम्बुलेन्स सेवा (एनएएस) १०२ एक गैरनाफामूलक संस्था हो, जुन आकस्मिक मेडिकल रेस्पोन्स प्रणालीको स्थापनाका गर्न समर्पित रहेको छ । सो संस्थाले हरेक व्यक्तित बिरामीको तीव्र यातायात र उपचारका लागि रेडियो सञ्चारको साथ एक सेन्टर्ल डिस्प्याचको सुविधामार्फत एक पूर्ण रुपमा मेडिकल्ली सुसज्जित ईएमटी कर्मचारीले सु–सम्पन्न एम्बुलेन्स सञ्चालन गरेको छ ।
साथै कोभिडको समय एनएएसले धेरै सहयोग गरेको जनाएको छ । आचार्यको कार्यकालमा, उनी र उनको टोलीले मे १, २०१९ मा काठमाडौं महानगरपालिकासँग पाँच वर्षे समझदारीपत्रमा हस्ताक्षर गरेको थियो । उक्त सम्झौताअनुसार महानगरीय सरकारले संगठनलाई परिचालन घाटा पूरा गर्न मासिक आर्थिक सहायता प्रदान गरी सहयोग प्रदान गरेको छ ।
नेपाल एम्बुलेन्स सेवाले स्वास्थ्य र जनसंख्या मन्त्रालय (एमओएचपी नेपाल) को साथमा फेब्रुअरी २०२० मा देशभर मा प्रि–अस्पताल हेरचाह र १०२ नम्बर अन्तर्गत ७–प्रान्त डिस्प्याच केन्द्र बनाउन सहयोग गरेको छ । उनीहरुले नेशनल डिस्प्याच सेन्टर १०२ को प्रबन्ध पनि गर्नेछन् । एनएएस डिस्प्याच सेन्टर चाँडै राष्ट्रिय डिस्प्याच सेन्टरमा रूपान्तरण हुनेछ । स्वास्थ्य तथा जनसंख्या मन्त्रालयले प्रदान गरेको अन्य सहयोगमा कोभिड अवधिभरि सबै कर्मचारीहरुका लागी जोखिम भत्ता, कल सेन्टर अपग्रेड, सफ्टवेयर अपडेट, मोबाइल एप्स, उपकरण सहयोग, एम्बुलेन्स इन्धन लागत सहयोग र प्रान्तीय डिस्प्याच केन्द्रका कर्मचारीहरुलाई प्रशिक्षण समावेश छन् ।
यसबाहेक आचार्यको तीन वर्षको अवधिमा संस्थाले २८ हजार नौ सय ६४ जना बिरामीहरुको उपचार गरेको थियो भने कोभिड १९ को दुवै लहरहरुमा नौ हजार छ सय ६८ कोभिड बिरामीहरुलाई निःशुल्क सेवा प्रदान गरेको थियो । यस्तै ५० लाख रुपैयाँको एनएएसमा पहिलोपटक कोषको स्थापना समेत गरेको थियो । उनीहरुले मे २०२१ देखि सबै प्रकारका बिरामीहरुलाई निःशुल्क सेवाहरु प्रदान गरिरहेका छन् । नेपाल एम्बुलेन्स सेवाले आफ्नो १० वर्षको अपरेसनमा ७० हजारभन्दा बढी बिरामीहरुलाई सेवा प्रदान गरेको छ । एनएएसले सबै राष्ट्रिय प्रकोप र संकटको समयमा महत्वपूर्ण आपत्कालीन सेवाहरु प्रदान गरिरहेको छ ।
क्याटेगोरी : कर्पोरेट-वाणिज्य-उद्योग, नेपाल
ताजा अपडेट
- डेडिकेटेड ट्रंक लाइन विवाद समाधान गर्न विज्ञ समिति गठन ।
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
- प्रमको चीन भ्रमणमा विशिष्टीकृत अस्पतालको एजेण्डा समावेश गर्न प्रस्ताव
- मङ्सिर १५ गते ‘टुर दी बाँके नेसनल पार्क’ को आयोजना
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया