काठमाडौं । वृज सिमेन्ट इन्डस्ट्रिज प्रालिको वृज एक्सपर्ट मेसन क्लब प्रभावकारी बन्दै गएको छ । क्लबमा आबद्ध सदस्यलाई घरले च्यापिएर मृत्यु भएपछि कम्पनीले परिवारलाई पाँच लाख रुपैयाँ आर्थिक सहयोग गरेको छ ।
गत जेठ ८ गते क्लबका सदस्य प्युठान जिल्ला नौबहिनी गाउँपालिका १ स्याउली वाङका ३९ वर्षीय बोम बहादुर मल्ल, उनकी श्रीमती र छोरा गरी तीन जनाको घटनास्थलमै मुत्यु भएको थियो । सोही परिवारलाई वृज सिमेन्टले पाँच लाख रुपैयाँ बीमाबापतको रकम हस्तान्तरण गरेको हो । कम्पनीका एरिया सेल्स म्यानेजर नारायण जिसीले मृतककी छोरी कुमारी मल्ललाई पाँच लाखको चेक हस्तान्तरण गरेका थिए । वृज सिमेन्ट इन्डस्ट्रिज प्रालिले वृज सिमेन्ट एक्सपर्ट मेसन क्लब स्थापना गरी क्लबमा आबद्ध सदस्यहरुको पाँच लाखबराबरको बीमा योजना अगाडि बढाएको छ ।
देशका विभिन्न स्थानहरुमा एक्सपर्ट मिट कार्यक्रम गर्दै निर्माणकर्मीहरुलाई ‘एक्सपर्ट मेसन क्लब’मा आबद्ध गरेर बीमासहितका थप सुविधाहरु प्रदान गर्दै आएको वृज सिमेन्ट कम्पनीका सेल्स म्यानेजर नुमेन्द्र पौडेलले जानकारी दिए । पौडेलले कम्पनीले आफ्नो सामाजिक उत्तरदायित्वको भूमिका निर्वाह गर्न र निर्माणकर्मीको परिवारको पनि सुरक्षाको जिम्मेवारीको महशुस गरी कार्यक्रम ल्याएको बताए ।
उक्त कार्यक्रमलाई अझै प्रभावकारी र फलदायी बनाउन कम्पनीले ‘एक्सपर्ट मेसन क्लब’मा आबद्ध निर्माणकर्मी साथीहरुलाई उपहारसहित पास बुक वितरण गरेको छ । योजनाअन्तर्गत वृज सिमेन्ट इण्डस्ट्रिज प्रालिका कुनै पनि उत्पादनहरु खरिद गरी योजनामा सहभागी हुन सकिनेछ ।
कम्पनीले हालै ल्याएको एक्सपर्ट मेसन क्लब योजनाबारे जानकारी दिन देशका विभिन्न स्थानहरु काठमाडौं, भक्तपुर, ललितपुर, बनेपा, चरीकोट, धादिङ, त्रिशूली, आँबुखैरेनी, लमजुङ, पोखरा, दमौली, वालिङ, नारायणघाट, भैरहवा, अर्घाखाँची, गुल्मी, पाल्पा, कुश्मा, जीतपुर, शीतलनगर, बुटवल, स्याङ्जामा कार्यक्रम सञ्चालन गरिएको थियो । अहिलेसम्म कम्पनीले दुई हजार पाँच सय बढी निर्माणकर्मी साथीहरुलाई ‘एक्सपर्ट मेसन क्लब’ मा आबद्ध गरिसकेको वृज सिमेन्टले जनाएको छ । कम्पनीले बढीभन्दा बढी निर्माणकर्मीहरुलाई यस क्लबमा आबद्ध गराउने र क्लबमा आबद्ध सदस्यहरुलाई आवश्यक सहयोग जुटाउने योजना वृज सिमेन्टको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया