काठमाडौं । अन्तर्राष्ट्रिय हवाइ यातायात मूल्यांकन संगठन स्काइट्रेक्सद्वारा कतार एयरवेजलाई ‘एयरलाइन अफ दि इयर’ घोषणा गर्नुका साथै वल्ड्र्स बेस्ट बिजनेस क्लास, वर्ल्डस बेस्ट बिजनेस क्लास एयरलाइन लाउन्ज, वर्ल्डस बेस्ट बिजनेस क्लास एयरलाइन सिट, वल्र्ड्स बेस्ट बिजनेस क्लास अनबोर्ड क्याटरिङ र बेस्ट एयरलाइन इन मिडल इस्ट गरी थप पाँच अवार्डद्वारा पनि सम्मानित गरिएको छ ।
यस पटक पनि गरी छैठौँ पटक (२०११, २०१२, २०१५, २०१७, २०१९ र अब २०२१) प्रमुख अवार्डद्वारा सम्मानित भएको एयरलाइनले उद्योगमा आफ्नो एक छत्र अग्रतालाई निरन्तरता दिएको छ । उड्डयन उद्योगको ओस्करका रुपमा परिचित, द २०२१ स्काइट्रेक्स अवार्ड्सले सेप्टेम्बर २०१९ देखि जुलाई २०२१ सम्मको अवधिका र सामान्य अवस्थाको यात्राका साथै महामारीको समयका यात्राको संयुक्त प्रतिनिधित्व गरेको छ । थपिएको समयावधिले कतार एयरवेजको दृढता र लचिलोपनको सटिक प्रतिनिधित्व गरेको छ ।
एयरवेजले साधारण समयमा उत्कृष्टताको प्रदर्शनी गर्नुका साथै सर्वाधिक चुनौतीपूर्ण घडीमा समेत आफ्ना विश्वभरका यात्रुलाई सक्दो चाँडै उडानमा नियमितता प्रदान गरी अतुलनीय योगदान पु-याएको थियो । जनवरी २०२१मा स्काइट्रेक्स कोभिड–१९ सेफ्टि रेटिङ पाउने पहिलो वैश्विक एयरलाइन बन्न पनि कतार एयरवेज सफल रह्यो ।
त्यसैगरी, आफ्नो लग्जरियस अल मोरजान लाउन्जका लागि एयरलाइनलाई वल्र्डस् बेस्ट बिजनेस क्यास एयरलाइन लाउन्जका रुपमा उपाधि प्रदान गरिएको हो । कम्पनीद्वारा प्याटेन्ट गरिएको क्यूस्विट बिजनेस क्लास लक्जरीलाई वल्र्ड्स बेस्ट बिजनेस क्लास एयरलाइन सिट, प्रिमियम क्याबिनलाई वर्ल्डस बेस्ट बिजनेस क्लासका रुपमा लगातार पाँचौँ वर्ष पनि अवार्ड प्रदान गरिएको छ ।
कम्पनीले निरन्तर परिष्कृतीकरणका साथमा अन बोर्ड उपलब्ध गराउने खान्कीलाई पनि वर्ल्डस बेस्ट बिजनेस क्लास अनबोर्ड क्याटरिङ अवार्ड प्रदान गरियो । अन्ततः अद्वितीय गुणस्तर, वैश्विक सञ्जाल, निरन्तर विश्वसनीयता तथा लचकता र यात्रुको पहिलो रोजाइको हवाइ सेवाका आधारमा एयरलाइनलाई ‘बेस्ट एयरलाइन इन मिडल इस्ट’को उपाधि पनि प्रदान गरिएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया