भाडा बढेको बहानामा यात्रु ठग्दै दोलखा–काठमाडौँ चल्ने सवारीसाधन
सुबास बस्नेत २०७८, कात्तिक ५ १०:५४ 
दोलखा । यातायात व्यवसायीको मागअनुसार सरकारले भाडा वृद्धि गरेपछि यातायात व्यवसायीहरुले मनपरी रुपमा भाडा असुली गर्नेगरेको पाइएको छ । सम्बन्धित निकायको अनुगमनको अभावका कारण व्यवसायी तथा सवारीसाधनले दोलखासहित बागमती प्रदेशको अन्तरजिल्ला यातायातमा तोकिएको भन्दा झण्डै दोब्बर भाडा असुल गर्नेगरेको दोलखाबाट काठमाडौँको यात्रामा रहेका यात्रुहरुले दुखेसो गरेका छन् ।
सरकारले गत असोज २९ देखि बागमती प्रदेशभित्र चल्ने लामो तथा छोटो दूरीका सवारीको भाडादर २३ प्रतिशतले वृद्धि गरेको थियो । भाडा वृद्धिपछि यातायात धनी तथा व्यवसायीले भाडा वृद्धि भएको भन्दै यात्रुलाई थर्काएर मनलागी भाडा असुल गर्नेगरेको गौरीशंकर गाउँपालिका झ्याकुबाट काठमाडौँको यात्रामा निस्केका यात्रु ईश्वर बस्नेतले बताए । मुख्यगरी सार्वजनिक यातायातका साधन बस, सुमो र ग्रामीण भेगमा चल्ने बोलेरो गाडीले मनलागि भाडा लिने गरेको गुनासो बढेको जिल्ला ट्राफिक कार्यालय दोलखाले जनाएको छ ।
कतिपय सवारीलाई कारबाही गरेर यात्रुलाई भाडा फिर्ता गरेको जिल्ला ट्राफिक कार्यालय दोलखाका प्रमुख भानुभक्त ढकालले बताए । चाडपर्वको मौका छोपी बढेको भाडाभन्दा बढी भाडा लिने सवारीसाधनलाई चरीकोटमा चेकजाँच गरी कारबाही गर्नेगरेको उनले बताए । यता जिल्लामा रहेका यातायातका टिकट काउन्टरले भने २३ प्रतिशत मात्र भाडा वृद्धि भएको दाबी गरेका छन् । सदरमुकाम चरीकोट रहेको अरनिको पूर्वयातायात प्रालिका काउन्टर प्रमुख रविन चौलागाईले २३ प्रतिशतले मात्र भाडा वृद्धि भएको र सोहीअनुसार टिकट दिने गरेको बताए ।
यसअघि चरीकोटदेखि काठमाडौँको सुपर भाडा चार सय ४७ रुपैयाँ रहेको थियो । भाडा वृद्धिपछि अब पाँच सय ५० रुपैयाँ पुगेको उनले बताए । त्यसैगरी लोकल बसको भाडा यसअघि तीन सय ६० रुपैयाँ तोकेको समितिले २३ प्रतिशत वृद्धि गर्दै अहिले चार सय ४३ रुपैयाँ लिने गरेको जनाएको छ । दोलखादेखि काठमाडौँ चल्ने साना सवारी सुमोलगायतले समेत भाडा वृद्धि गरेका छन् ।
चरीकोटदेखि काठमाडौँको सुमोको भाडा पाँच सय ५० रुपैयाँ रहेकोमा वृद्धि भएर अहिले छ सय ६५ रुपैयाँ पुगेको छ । यद्यपि अहिलो सुमोले एक हजार रुपैयाँ र ठूला बसले आठ सय रुपैयाँ भाडा असुल गर्दै आएका छन् । त्यसैगरी दोलखा हुँदै काठमाडौँ चल्ने रोल्वालिङ यातायात समितिले पनि २३ प्रतिशत नै भाडादर वृद्धि गरेको छ । समितिले सिँगटीदेखि काठमाडौँसम्मको भाडादर पाँच सय २५ रुपैयाँबाट वृद्धि गरेर छ सय ४३ रुपैयाँ पु¥याएको छ । चरीकोटबाट सिँगटीसम्म लोकल बसको भाडादर पहिला एक सय ६५ रुपैयाँ रहेकोेमा वृद्धि भएपछि दुई सय २० रुपैयाँ पुगेको छ । सार्वजनिक बसका कर्मचारीले विभिन्न बहाना बनाएर बसकै भाडा एक हजार रुपैयाँ लिने गरेको मिर्गेबाट काठमाडौँको यात्रामा रहेका यात्रु रमेश तामाङले बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया