महेन्द्र शाही
सोलुखुम्बु, माघ १६
सोलुखुम्बुको सोताङ गाउँपालिकाबाट महाकुलु पुग्नका लागि करिब तीन घण्टा पैदल हिँड्नुपर्ने बाध्यता हट्ने भएको छ । महाकुलुङ गाउँपालिका १ साप्दीस्थित लिप्खो खोलामा झुलुङगे पुल निर्माण सुरु भएसँगै सोताङ र महाकुलुङबीचको करिब तीन घण्टा घुमाउरो पैदलयात्रा गर्नुपर्ने बाध्यताको अन्त्य हुने भएको हो । पुल निर्माणका लागि सस्पेन्सन ब्रिज डिभिजन पुलचोक ललितपुरले ७५ लाख रुपैयाँ बजेट व्यवस्थापन गरेको छ । पुल निर्माण हुने भएपछि स्थानीयमा खुसीयाली छाएको छ । दैनिक आवतजावत गर्नुपर्ने र पुल नहुँदा समस्या भोग्दै आएको स्थानीयले बताए ।
१ सय ४७ मिटर लामो र करिब डेढ मिटर चौडाइ भएको उक्त पुल निर्माणको जिम्मा दाप्चा खानी हिमशिखर जेभी प्रालि काठमाडौंले पाएको र निर्माणकार्य सुरु गरेको कम्पनीका प्रतिनिधि बलराम लामाले जानकारी दिए । गत पुस ६ गतेबाट सुरु भएको निर्माणकार्यको फाउन्डेसनको कामहरु भइरहेको लामाले बताए । उनका अनुसार आगामी असारसम्म पुल निर्माण सम्पन्न गर्ने म्याद भए पनि असारअगावै सकिने लक्ष्यका साथ काम भइरहेको छ ।
महाकुलुङ गाउँपालिका १ सात्दीको कोरोला मार्गको उक्त खोलाको पुल चार वर्षअघिको पहिरोले बगाउँदा सो क्षेत्रका नागरिकहरु विकल्पको रुपमा तीन घण्टाको घुमाउरो बाटो प्रयोग गर्न बाध्य थिए । पुल निर्माणपश्चात् महाकुलुङको बुङ, छेस्काम, गुदेल, सोताङको नाम्लुङलगायत खोटाङको सुङदेलका नागरिकहरुलाई समेत सहज हुने स्थानीय युमन खालिङ राईले जानकारी दिए ।
क्याटेगोरी : कर्पोरेट-वाणिज्य-उद्योग
ताजा अपडेट
- दार्चुला जिप दुर्घटना: घाइतेलाई थप उपचारका लागि धनगढी लगियो
- दैलेखका किसानको ‘गुणे’ धानमा अधिक आकर्षण
- दार्चुला जीप दुर्घटना: आठ जनाको मृत्यु, पाँच घाइते
- कोप–२९ मा सहभागी भई स्वदेश फर्किए राष्ट्रपति
- ‘नेक’ प्रादेशिक छात्रवृत्तिको प्रवेश परीक्षा मंसिर दुई गते
- टेकस्पायर स्टार्टअप एन्ड आईडिया फेस्ट सुरु
- हेटौँडा सिमेन्ट उद्योग सञ्चालनमा ढिलाइ
- उत्पादनको क्षेत्रमा जोड दिन निजी क्षेत्रलाई आग्रह
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया