काठमाडौँ । स्मार्टफोन ब्रान्ड रियलमीले औपचारिक रुपमा नेपालमा रियलमी जीटी नियो २ सार्वजनिक गरेको छ । यसको मूल्य नेपालमा ५४ हजार एक सय ९९ रुपैयाँ पर्छ । साथै यसमा ८/१२८ जीबी स्टोरेज रहने कम्पनीले जनाएको छ ।
लोकप्रिय फ्लागसिप किलर रियलमी जीटी लाइनअपमै आधारित यस नियो फ्लागसिप किलर रियलमी जीटी नियो २ धेरै स्मार्टफोन चलाउने प्रयोगकर्ताहरुको लागि बनाइएको र यसमा प्राविधिक नवीनताका साथै सुन्दर डिजाइन देख्न सकिने कम्पनीको दाबी छ । सुरुका ग्राहकहरुले तोकिएभन्दा तीन हजार कम ५१ हजार १ सय ९९ रुपैयाँमा यो मोबाइल फोन खरिद गर्न पाउनेछन् ।
रियलमी जीटी नियो २ लाई क्वालकम स्नापड्रागन ८७० फाइभजीको मोबाइल प्लाटफर्मले पावर गरेको छ । यसको लम्बाइ १६२.९ एमएम, चौडाइ ७७५.६ एमएम र उचाइ ८.६ एमएम रहेको छ । क्वालकम स्नापड्रागनले प्रयोगकर्तालाई सन्तुलित प्रदर्शनसँगै स्थिरताको अनुभव प्रदान गर्दछ । साथै यसमा भएको थर्मल जेलले यस फोनलाई शीतल राख्छ ।
रियलमीको इतिहासमै पहिलोपटक रियलमी जीटी नियो २ मा ८ तहका तीन आयामको तापक्रम नियन्त्रण गर्ने ४१२९ एमएम वर्ग क्षेत्रफलमा बाफलाई चिस्याउने खिया नलाग्ने स्टिलको संरचना छ । चिस्यान क्षमतालाई विचार गर्दा यसले मूलधारको गेमहरु खेल्न निकै सहयोग गर्नेछ । एप्लिकेसनहरु र गेमहरु छिटो लोड हुन्छ ।
कम्पनीका अनुसार यसमा भएको ५ हजार एमएएच ब्याट्रीले फोनको बनावटलार्ई समर्थन गर्दछ, जसले गर्दा विना दबाब ब्याट्रीको लाइफ लम्बाइ दिन्छ । यसको ब्याट्रीले ६५ वाट सुपरडार्ट चार्जिङ लाई सपोर्ट गर्ने हुनाले मात्र ३६ मिनेटमा फोन चार्ज हुन्छ । एक पटकको चार्जमा प्रयोगकर्ताले ३३ घण्टा टकटाइम, ८८ घण्टा संगीत, आठ घण्टा गेम र २५ घण्टा भिडियोको मज्जा लिन सक्नेछन् । यसमा रहेको ट्रिपल क्यामेराले स्पष्ट फोटोहरु खिच्छ । स्मार्टफोनमा ईफोर डिस्प्ले छ ।
यसैगरी ५०००००ः१ कन्ट्रास्ट रेसियोले अधिकतम १३ सय नीटसम्मको ब्राइटनेस दिन्छ । नियो जीटीको डिजाइन रियलमी जीटी लाइनअपकै महत्वपूर्ण हाइलाइट हो । यसको नियो ग्रीन रङ्ग प्रविधि र शक्तिको बेजोड संगम हो । नेपालका प्रयोगकर्ताहरुलाई अचम्मित पार्न सक्ने नवीन प्रविधि र सुन्दर डिजाइन रियलमी जीटी नियो २ मा पाउन सकिनेछ ।
रियलमी जीटी नियो २ कात्तिक २५ देखि दराज अनलाइनमा उपलब्ध हुनेछ । इच्छुक ग्राहकले उक्त स्मार्टफोनमा ५१ हजार एक सय ९९ रुपैयाँको सुरुवाती मूल्यमा अग्रिम बुकिङ्ग गर्न र दराजको ११.११ का सुविधाहरु प्राप्त गर्न सक्ने छन् । यस सुविधाअन्तर्गत कार्तिक २८ देखि भाउचर तथा बैँकिङ्ग छुटमा वितरण सुरु हुनेछ तथा अफलाइन ग्राहकले कात्तिक २७ देखि अग्रिम बुकिङ्ग गर्न सक्नेछन् । रियलमी नियो जीटी २ नियो ब्लाक र नियो ग्रीन गरी दुई रङ्गमा उपलब्ध हुनेछ ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया