काठमाडौं माघ २२
सरकारले ल्याएको डिजिटल नेपालको गति सुस्त र धिमा किसिमको भएको सरोकारवालाहरुले बताएका छन् । एजेण्डा प्लसले आयोजना गरेको काठमाडौं डिबेटअन्तर्गतको डिजिटल नेपालको गति विषयक अन्तर्क्रिया कार्यक्रममा सरोकारवाला निकायहरुले डिजिटल नेपालको गति सुस्त भएको बताएका हुन् ।
कार्यक्रममा पूर्वमन्त्री इन्जिनियर गणेश शाहले डिजिटल नेपालको अभियान सही भए पनि यसको काम भने सुस्त गतिमा रहेको बताए । उनले डिजिटल नेपालको अभियानलाई सफल पार्न सबैको उत्तिकै भूमिका हुनुपर्ने भन्दै यसलाई स्पष्टरुपमा अगाडि बढाउनुपर्ने बताए । त्यसैगरी नेपाल दूरसञ्चार प्राधिकरणका बोर्ड सदस्य चन्द्रमणि चौलागाईँले नेपालमा सेवा सञ्चालन गर्न चाहने दूरसञ्चार सेवा प्रदायकहरुलाई नरोकिने बताए । उनले अहिले दूरसञ्चारको क्षेत्रमा भारतीय जियोको मोडल दीर्घकालीन किसिमको नभएको भन्दै नेपालमा दुई मोबाइल अपरेटरहरुको हालीमुहाली रहेको बताए । चौलागाईँले उदार नीतिभित्र नेपाल टेलिकम र एनसेलको मोनोपोली भएको स्पष्ट पारे ।
कार्यक्रममा इन्जिनियर एडा रिजालले अहिले नेपालमा उत्पादित जनशक्तिहरु खपत गर्नसक्ने अवस्था नभएको भन्दै नेपालभित्रै बस्ने वातावरण बनाउनुपर्ने बताइन् । उनले नेपालमा दूरसञ्चार सेवाहरु महंगो र गुणस्तरीय नभएको भन्दै त्यसलाई सबैको पहुँचमा पु-याउनुपर्नेमा जोड दिइन् । काठमाडौं डिबेटमा विज्ञको रुपमा बोल्दै पूर्वसहसचिव वीरेन्द्र कुमार मिश्रले डिजिटल नेपालको अभियान ठूलो स्तरमा भएको र यसका विभिन्न क्षेत्रहरुलाई छुट्टाछुट्टै रुपमा व्याख्या गरिनुपर्ने र त्यसलाई अगाडि बढाउनुपर्ने सुझाव दिए ।
क्यान महासंघ नेपालका पूर्वअध्यक्ष इन्जिनियर विनोद ढकालले सरकारले निजी क्षेत्रसँग सहकार्य गर्न नचाहँदा समस्या देखिएको भन्दै डिजिटल नेपाल यसअघि निजी क्षेत्रले ल्याएको इ–नेपालकै परिष्कृत रुप भएको दाबी गरे । उनले सरकारले हालै ल्याएका सूचना प्रविधि ऐनमा राम्रा प्रावधानहरु भए पनि अन्य विषयहरु अनावश्यक रुपमा राख्दा समस्या देखिएको बताए । त्यस्तै अधिवक्ता बाबुराम अर्यालले दूरसञ्चार सेवाप्रदायकहरु र सेवाग्राहीबीच देखिएको खाडललाई पुर्नुपर्ने आवश्यकता रहेको भन्दै कतिवटा कम्पनीहरु आवश्यक पर्दछ भन्नेबारे स्पष्ट हुनुपर्ने बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
- इन्फोडेभलपर्स र साङ्ग्रिला डेभलपमेन्ट बैंकबीच सम्झौता
- प्राइम कमर्सियल बैंकको साधारणसभा आह्वान
- कृति भेञ्चर फन्डले आईपीओ जारी गर्ने
- सूर्यज्योति लाइफ इन्स्योरेन्सको नाफा ११ करोड ५३ लाख
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया