काठमाडौं । भिभोले थुप्रै नवीन फिचरमध्येको एक रहेको सेल्फी फोटोग्राफीलाई उचाइमा पु-याउने ५० मेगापिक्सेल अटो फोकस पोट्रेट सेल्फी फ्रन्ट क्यामरायुक्त भी२३ई नेपालमा सार्वजनिक गरेको छ ।
भिभो भी सिरिजको पछिल्लो संस्करणका रुपमा रहेको भी२३ ई नेपालमा मंगलबार सार्वजनिक भएको हो । यो डिभाइस २४ जनवरीसम्म प्रि–बुकिङका लागि उपलब्ध छ भने २५ जनवरीदेखि बिक्रीका लागि उपलब्ध हुने बताइएको छ । यसको आठ जीबी -याम र १२८ जीबी आन्तरिक मेमोरी भेरियन्टको ४४ हजार नौ सय ९९ रुपैयाँ तथा ८ जीबी -याम र २५६ जीबी आन्तरिक मेमोरी भेरियन्टको मूल्य ४९ हजार नौ सय ९९ रुपैयाँ तोकिएको छ । कम्पनीका अनुसार भिभो भी२३ई मा उद्योगकै उत्कृष्ट फ्रन्ट क्यामरा, अटो फोकस तथा विभिन्न पोट्रेट मोडहरुमा उपलब्ध एआई एक्स्ट्रिम नाइट पोट्रेट मोड र मल्टि–स्टाइल पोट्रेटजस्ता अत्याधुनिक इनोभेसनको सम्मिश्रण छ । यस्तै प्रयोगकर्ताले अति अँध्यारो अवस्थामा पनि एआई एक्स्ट्रिम नाइट पोट्रेटका सहायताले फोटो लिन सक्छन् । यसबाहेक, डुअल–भ्यू भिडियोले एकैपटक अगाडि र पछाडिको क्यामराले दुवै कोणबाट एड्जस्ट गर्न सकिने आस्पेक्ट रेसियोसहितको अविस्मरणीय भिडियो खिच्न सहयोग पु-याउने कम्पनीको दाबी छ ।
यस्तै यसको स्टेडिफेस सेल्फी भिडियो मोडमार्फत शानदार भिडियो स्टेबिलाइजेसनको सहायताले सेल्फी लिँदा हल्लिने वा ब्लर आउने समस्यालाई टाढै राख्छ । जम्मा ७.३६ मिलिमिटर मोटाइ भएको नयाँ भी२३ई निकै पातलो र हलुका छ । भी२३ई को मूनलाइट स्याडो एडिसनको बडीको मोटाइ ७.३६ मिलिमिटर छ भने सनशाइन कोस्ट एडिसनको तौल ७.४१ मिलिमिटर छ । यसमा अत्याधुनिक उत्पादन प्रक्रियाबाट निर्मित नयाँ डिजाइन तथा २.५ डीको पातलो फ्रेम राखिएको छ । भी२३ई मूनलाइट स्याडो एडिसनमा नानोस्केल प्रोसेसेङ सिर्जना गर्ने नवीन सेरामिक फिल्म कोटिङ रहेको दाबी गरिएको छ । यस्तै सनशाइन कोस्ट एडिसनमा भने यसको उल्टो स्पोर्ट्स एन्टि–ग्लेयर ग्लास दिइएको छ । प्रयोग गरिएका रंगहरुले पनि भी२३ई लाई यसको सुधारिएको फेसनेबल स्टाइलमा अझ भिन्न–भिन्न कोणबाट रंगहरुका लहर मिसाएर निकै आकर्षक झलक दिएको छ ।
कम्पनीका अनुसार यसअघिका जेनेरेसनका उत्पादनहरुसँग दाँज्दा ४४ वाट फास्टचार्जको अधिकतम चार्जिङ पावर ३३ प्रतिशतले बढेको छ, जसले १५ मिनेटमा १ बाट ४० प्रतिशत पु-याउने र दिनभर प्रयोग गर्दा पनि लामो समयसम्म ब्याट्री टिक्ने सुनिश्चितता थपिएको छ । भिभो भी२३ई ले प्राविधिक उच्चता तथा फेसनेबल स्टाइललाई एकैठाउँमा संयोजन गरी दुवै क्षेत्रमा अब्बल अनुभव प्रदान गर्ने कम्पनीको दाबी छ ।
क्याटेगोरी : कर्पोरेट-वाणिज्य-उद्योग
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया