काठमाडौं । नेपाल टेलिकमले एफटीटीएच उपलब्ध नभएका सुगम स्थानहरु र अधिकांश दुर्गम स्थानहरुमा दु्रतगतिको डाटा तथा भ्वाइस सेवा उपलब्ध गराउन फोरजी एलटीआई नमस्ते वाइफाइ विस्तार गर्ने भएको छ । कम्पनीले फोरजी एलटीआई नमस्ते वाइफाइ सेवाका विभिन्न आकर्षक प्याकेजहरु उपलब्ध गराइरहेको छ ।
कम्पनीले उपलब्ध गराइरहेका यी प्याकेजहरु आवश्यक डिभाइससहित ग्राहकलाई सहज रुपले प्राप्त होस् भनी नेपाल टेलिकम र साइबरनेटिक्स प्रालिबीच सम्झौता समेत भएको छ । बुधबार भएको सम्झौतामा कम्पनीका प्रमुख व्यावसायिक अधिकृत संगीता पहाडी र साइबरनेटिक्स प्रालिका सीईओ जेम्स न्याछ्योले हस्ताक्षर गरेका थिए ।
फोरजी एलटीआई नमस्ते वाइफाइमार्फत नेपाल टेलिकमले हाल व्यक्तिगत प्याकेज र इन्डिभिज्युअल प्याकेज र सरकारी संस्था प्याकेज गरी दुई प्रकारका प्याकेजहरु उपलब्ध गराइरहेको छ । व्यक्तिगत प्याकेजअन्तर्गत होम ब्रोडव्यान्ड बेसिक आठ सय रुपैयाँमा ६० जीबी ३० दिनका लागि उपलब्ध छ । त्यसैगरी एक वर्षका लागि नौ हजार रुपैयाँमा सात सय २० जीबी प्याक उपलब्ध छ । यसलाई प्रतिमहिना ६० जीबीका दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा चार सय रुपैयाँमा १५ दिनका लागि ६० जीबी प्याक लिन सकिन्छ ।
यस्तै होम ब्रोडब्यान्ड प्रिमियमअन्तर्गत एक हजार दुई सय रुपैयाँमा एक सय २० जीबी प्याक ३० दिनको लागि उपलब्ध हुन्छ । त्यसैगरी एक वर्षका लागि १३ हजार पाँच सय रुपैयाँमा एक हजार चार सय ४० जीबी प्याक उपलब्ध हुन्छ । यसलाई प्रतिमहिना एक सय २० जीबीका दरले १२ महिनासम्म प्रयोग गर्न सकिन्छ । यी दुवैमा एड अन प्याकको रुपमा छ सय रुपैयाँमा १५ दिनका लागि एक सय २० जीबी प्याक लिन सकिन्छ ।
यसैगरी सरकारी संस्था प्याकेजमा तीन हजार छ सय ५० रुपैयाँ र दुई हजार एक सय रुपैयाँमा ३० दिनका लागि विभिन्न प्रकारका प्याकेजहरु उपलब्ध छन् । यी प्याकेजबाट अनलिमिटेड डाटा चलाउन सकिन्छ । वार्षिक र अर्धवार्षिक रुपमा एकमुष्ट प्याकेज लिने ग्राहकका लागि निश्चित छुटको समेत व्यवस्था गरिएको कम्पनीको भनाइ छ । हाल देशका अधिकांश स्थानमा फोरजी सेवा पुगिसकेको र घरमा वा कार्यालयमा द्रुतगतिको इन्टरनेट विभिन्न डिभाइसमार्फत चलाउन इच्छुक सेवाग्राहीको संख्या वृद्धि हुँदै गरेकोले यो सेवा प्रभावकारी र आकर्षक हुने कम्पनीले अपेक्षा गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- असोज २९ देखि कात्तिक १ गतेसम्म मनकामना केबलकार बन्द हुने
- भोलिदेखि वीपी राजमार्गमा रुट अनुमति लिएका गाडीहरु चल्ने
- सार्वजनिक भौतिक संरचना सञ्चालनमा समस्या
- कालिया खोलामा निर्माणाधीन पुल अलपत्र अवस्थामा
- अवरुद्ध सडक सुचारु भएसँगै पाथीभरामा तीर्थयात्रीको चहलपहल
- सिसौँको काठ अवैध रुपमा ओसारपसार गर्दा एकजना पक्राउ
- दुर्घटना न्यूनीकरणका लागि निःशुल्क खाजासहितको विश्रामस्थल
- किशोरी हत्याका आरेपित ५८ वर्षीय भण्डारी सार्वजनिक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया