काठमाडौं । नेप्लिज एसोसिएसन अफ अष्ट्रेलिया एजुकेसन रिप्रेजेन्टेटिभ्स नायरको १४औँ वार्षिक साधारणसभा सम्पन्न भएको छ । उक्त साधारणसभाले नयाँ नेतृत्व समेत चयन गरेको छ । संस्थाको अध्यक्षमा प्रेम पाण्डे, उपाध्यक्षमा उद्धव बहादुर खड्का, महासचिवमा थरेन्द्र राज अधिकारी, सचिवमा एन्ड्रु पौडेल, कोषाध्यक्षमा शालिकराम भण्डारी, कार्यकारी सदस्यमा बि–राज पाण्डे र बुद्ध शाक्य निर्वाचित भएका छन् ।
नवनिर्वाचित पदाधिकारीहरुलाई शुभकामना दिँदै निवर्तमान अध्यक्ष विज्ञान श्रेष्ठले कोरोनाको महामारीले शैक्षिक परामर्श क्षेत्र पूर्ण प्रभावित भएको र आगामी पललाई सृजनात्मक बनाउन आवश्यक रहेको बताए । त्यस्तै, नवनिर्वाचित अध्यक्ष पाण्डेले यस पटकको निर्वाचित सम्पूर्ण टिमलाई उत्प्रेरणा प्रदान गर्दै नेप्लिज एसोसिएसन अफ अष्ट्रेलिया एजुकेसन रिप्रेजेन्टेटिभ्स नायरको गतिविधिलाई अगाडि बढाउन समेत निर्देशन दिए । उनले नेपाली विद्यार्थीले विदेशमा शिक्षा लिई आफ्नो प्रतिभा समेत देखाउँदा नेपाली विद्यार्थीको बेग्लै पहिचान बनाउन सकेको बताए ।
‘अस्ट्रेलियन दूतावास, आना, नाकी, अष्ट्रेलियन अवार्डलगायतका विभिन्न संस्थाहरुसँग सहकार्य गरी आफ्ना गतिविधि अगाडि बढाइरहेका छौँ । साथै अष्ट्रेलियन एजुकेसन इन्फर्मेसन सेन्टर समेत स्थापना भइसकेको छ। बोर्डर खोलेसँगै हामी अष्ट्रेलियन कल्चर, बिजिनेस र एजुकेसनलाई विभिन्न कार्यक्रममार्फत प्रवद्र्धन गर्नेछौँ’, नवनिर्वाचित उपाध्यक्ष उद्धव बहादुर खड्काले भने । उनले नेपाली विद्यार्थीहरुको विदेश अध्ययनलाई आफूहरुले सहजीकरण गर्नको लागि महत्वपूर्ण भूमिका खेल्दै आएको समेत बताए । निर्वाचित सदस्यहरुले आफूहरु विदेश अध्ययनका लागि जाने विद्यार्थीको गुणस्तरीय शिक्षाको लागि सदैव प्रतिबद्ध रहेको बताएका छन् ।
क्याटेगोरी : कर्पोरेट-वाणिज्य-उद्योग
ताजा अपडेट
- सिकलसेल उपचारका लागि राप्ती स्वास्थ्य विज्ञान प्रतिष्ठानमा बेग्लै वार्ड
- सामाजिक भ्रष्टीकरण
- बढ्यो खोल्से सुनको भाउ !
- ओलीको चीन भ्रमणमा प्रचण्डको ‘चाइना कार्ड’
- चीन र नेपालको सम्बन्ध जनस्तरमा विस्तार आवश्यक: वरिष्ठ उपाध्यक्ष पोखरेल
- पूर्वप्रधानमन्त्री खनालद्वारा पूर्वसभामुख ढुङ्गानाको निधनप्रति दुःख प्रकट
- राजकीय सम्मानका साथ पूर्वसभामुख ढुङ्गानाको अन्त्येष्टि गर्ने सरकारको निर्णय
- अर्घाखाँची सिमेन्ट उद्योगका सञ्चालकहरूविरुद्ध फौजदारी मुद्दा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया