काठमाडौं । विश्वव्यापी स्मार्टफोन ब्रान्ड, भिभोले ग्राहकहरुलाई विशिष्ट सेवा प्रदान गर्न लागिपरेको छ । भिभोले आफ्नो ग्राहककेन्द्रित पहल अन्तर्गत प्रत्येक महिना २७ देखि २९ तारिखसम्म ‘भिभो सर्भिस डे’ मनाउँदै आइरहेको छ, यसमा ग्राहकहरूले एक्सेसरिज खरिदमा विशेष छुटको लाभ लिन सक्नेछन् । कम्पनीले यस प्रभावकारी पहलमार्फत सहज रूपमा सबैभन्दा ठूलो समाधान प्रदान गर्दै उपभोक्ताहरूको मन जित्न सफल भएको छ ।
ग्राहकहरूले निःशुल्क स्मार्टफोन सर्भिसिङ र क्लिनिङ, शून्य श्रम लागतमा मर्मत, हार्डवेयरमा समस्या आएमा ३० दिनको एक्सचेन्ज अफरहरू, निःशुल्क प्रोटेक्टिभ फिल्म, फ्री ओएस अपडेटलगायत निःशुल्क सेवाहरू लिन सक्नेछन् । यसबाहेक, ग्राहकहरूले प्रत्येक नयाँ फोन खरिदमा उपलब्ध हुने वारेन्टी सेवा÷नीति पनि दाबी गर्न सक्छन् । भिभोले ग्राहकहरुलाई फोनमा एक वर्षको वारेन्टी, एक्सेसरिजमा ६–महिनाको वारेन्टी, पार्टकको सशुल्क मर्मतमा तीन महिनाको वारेन्टी, सेवा केन्द्रबाट खरिद गरिएको एक्सेसरिजमा छ महिनाको वारेन्टी र सफ्टवेयरमा जीवनभर वारेन्टी प्रदान गर्दछ ।
ग्राहकहरू हरेक व्यवसायको सबैभन्दा ठूलो पँुजी हुन् र भिभोले ग्राहकको सन्तुष्टिलाई निरन्तर रूपमा सुनिश्चित गर्ने प्रयासमा आफ्ना पहलहरूलाई स्तरोन्नति गर्दै आइरहेको छ । ग्राहक सन्तुष्टिले बफादार ग्राहकहरूलाई कायम राख्न मात्र नभई सकारात्मक रुपमा ब्राण्डको वकालत गर्दै बलियो ग्राहक सेवा पोर्टफोलियोहरूमार्फत नयाँ ग्राहकहरूलाई आकर्षित गर्नमा पनि महत्वपूर्ण भूमिका खेल्ने ब्रान्डको विश्वास रहेको छ । तसर्थ, भिभोले हाम्रा स्थानीय ग्राहकहरूको आवश्यकता र चाहना बुझेर हाम्रा बिक्रीपछिका सेवाहरूलाई स्तरोन्नति गर्ने र उपयुक्त बनाउन निरन्तर लागिपरेको छ ।
भिभो नेपालका सीईओ माइकलले भने, ‘भिभोले ग्राहक केन्द्रित र जिम्मेवार ब्रान्डका रूपमा आफ्ना प्रिय प्रयोगकर्ताहरूलाई झन्झटमुक्त खरिद अनुभव प्रदान गर्दै ग्राहक सुरक्षा र सुविधा सुनिश्चित गर्न निरन्तर रूपमा काम गर्दै आइरहेको छ । उपभोक्ताहरूले विगतमा हाम्रा पहलहरूलाई सकारात्मक प्रतिक्रिया दिएका छन्, र हामी नेपालमा भिभो स्मार्टफोन प्रयोगकर्ताहरुका लागि विशिष्ट अनुभव सिर्जना गर्न सक्षम भएकोमा खुसी छौं । हामीले हाम्रा उत्पादनहरू र सेवाहरू उपभोक्ताहरूलाई चाँडोभन्दा चाँडो डेलिभर गर्ने र उनीहरूका प्रश्नहरूलाई छिटोभन्दा छिटो समाधान गर्ने लक्ष्य राखेका छौं ता कि प्रयोगकर्ताहरूले हाम्रा अर्थपूर्ण, नविन उत्पादन र मूल्य अभिवृद्धि सेवाहरूबाट लाभान्वित हुन सकून् । भिभोले ग्राहकहरूलाई हरेक सुखदुःखमा समर्थन गर्दै उनीहरूलाई उत्कृष्ट अनुभवहरू प्रदान गर्नेछ ।’
ब्रान्डले खरिद अघि र पछि प्रयोगकर्ताहरुलाई सान्दर्भिक जानकारी प्रदान गर्दै आफ्नो बिक्रीपछि सेवाहरूमार्फत स्थानीय उपभोक्ताहरूलाई नवीनतम उत्पादन र सुविधाहरूको बारेमा जानकारी दिने प्रयास गर्दछ । भिभोले काठमाडौं, नारायणघाट, पोखरा र इटहरीमा रहेका आफ्ना चार शाखाहरुमार्फत राष्ट्रियस्तरका ग्राहकहरुमाझ पुगेर नेपालमा ग्राहक सम्पर्कलाई रणनीतिक रुपमा सुदृढ गरेको छ । भौगोलिक सीमितताहरू पार गरेर, भिभोले आफ्ना वफादार ग्राहकहरूलाई देशभर उपलब्ध गराउन सक्षम भएको छ । अत्याधुनिक सुविधाहरू र उपकरणहरूले सुसज्जित सेवा केन्द्रहरूले ग्राहकहरूलाई झन्झटमुक्त खरिद र बिक्रीपछि सेवा अनुभव सुनिश्चित गर्न स्वागत गर्दछ ।
उपभोक्ता–केन्द्रित ब्रान्डको रूपमा, भिभोले बिक्रीपछिको सेवाहरूमा विशेष ध्यान केन्द्रित गर्दै आफ्ना ग्राहकहरूलाई स्मार्टफोन प्रयोगको प्रत्येक चरणमा सहयोग गर्ने प्रयास गर्दछ । बेन्फेन दर्शनलाई पछ्याउँदै, भिभोले आफ्नो काम र व्यवसायका लागि स्मार्टफोनमा निरभर उपभोक्ताहरूलाई खरिद गर्न सजिलोसँग समर्थन र सशक्तिकरण गर्ने र तिनीहरूलाई अत्याधुनिक प्रविधिहरूमा निर्बाध पहुँच प्रदान गर्ने लक्ष्य राखेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- गृहमन्त्री लेखकसित एसएसबी महानिर्देशकको भेटवार्ता
- खानेपानीका पाइप फुटेका ठाउँमा नयाँ पाइप जडान गर्न मन्त्री यादवको निर्देशन
- कस्तो छ नेपाल–भारत सैनिक सम्बन्ध ?
- एउटी नर्सको कथा व्यथा
- सहरमा भुस्याहा कुकुरको व्यवस्थापन
- भ्रष्टाचारको आरोपमाथि स्वतन्त्र छानबिन गर
- क्रसर तथा खानी उद्योग व्यवसायी महासंघको अध्यक्षमा पुनः न्यौपाने
- नाम्दु सबस्टेसन मंसिरभित्रै सञ्चालनमा आउने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया