जिएम यादव
बाँके, फागुन ५
ग्रामीण समुदायमा विवाह, व्रतबन्ध, मुण्डन जस्ता विभिन्न संस्कारहरु हुने गर्दछ । ती संस्कार सम्पन्न गर्दा घरपरिवार, आफन्त, छरछिमेक गाउँले, नातागोता तथा इष्टमित्र लगायतलाई बोलाउने गरिन्छ । ती कार्यक्रम सम्पन्न गर्दा महंगो टेन्ट, डिजे, बाजागाजाको प्रयोग गरिन्छ भने गाउँमा भएका विद्यालय, बगैँचाको प्रयोग धेरैजसो गरिन्छ । यो सबै अनावश्यक र महंगो रकम तिनुपर्ने बाध्यता नै बनेको छ स्थानीयबासीलाई ।
बाँके डुडुवा गाउँपालिकाबासीलाई अब त्यो बाध्यता हटेको छ । गाउँपालिकाले तीनवटा जन्ती घर निर्माण सुरु गरेको छ । गाउँपालिकाको वडा नं. ३ बनकटवा, वडा नं २ कोलही र वडा नं. ६ बल्दीपुरवा गाउँमा जन्ती घर निमार्णको कार्य भइरहेको गाउँपालिका अध्यक्ष नरेन्द्रकुमार चौधरीले बताएका छन् । उनका अनुसार ठूलो हल, शौचालय, खानेपानी र कम्पाउण्डसहितको अत्याधुनिक घर निर्माण हुनेछ ।
उक्त जन्ती घरमा करिब पाँच सय जना अट्ने क्षमताको निर्माण हुनेछ । २३ लाख रुपैयाँ लागतमा निर्माण हुने भवनको अपुग बजेट थप गरिने गाउँपालिकाले जनाएको छ । गत वर्षदेखि नै गाउँपालिकाले जन्ती घर निर्माणकार्य सुरु गरेको हो । यस वर्ष बजेट रकम थप गरी निर्माण सम्पन्न गरिने अध्यक्ष चौधरीले बताए । गाउँपालिका वडा नं. १, २ र ३ मा अधिकांश घरहरु कच्ची रहेकाले र ठूला ठूला भवन र कुनै पनि सामुदायिक भवन नभएकाले गाउँमा हुने विभिन्न सांस्कृतिक कार्यक्रमका लागि सहज हुने वडा नंं. १ का वडाध्यक्ष पटेश्वरी कुर्मीले बताए । गाउँपालिकामा अधिकांश बस्ती मधेशी समुदायको भएकाले विवाहलगायत विभिन्न कार्यक्रमहरु गर्दा राति जन्ती बसाउन, पार्टी गर्न, भोज भण्डारा, पूजापाठ, धार्मिक ज्ञान महायज्ञ, भजनकीर्तन गर्न समस्या रहेको गाउँपालिका २ नं. वडाध्यक्ष गजेन्द्र कैरातीले बताए ।
क्याटेगोरी : कर्पोरेट-वाणिज्य-उद्योग
ताजा अपडेट
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया