दोलखा, फागुन १३
दोलखाको पर्यटकीय क्षेत्र जिरी नगरपालिकाको यलुङमा दुई दिने ‘छेच्यु सांस्कृतिक महोत्सव’ हुने भएको छ । भ्रमण वर्ष २०२० तथा शेर्पाहरुको महाड चाड छेच्युलाई प्रचारप्रसार गर्ने उद्देश्यले आगमी फागुनको २० देखि २२ गतेसम्म दुई दिन महोत्सव गरिने भएको हो ।
जिरी नगरपालिका वडा नम्बर २ को मुख्य आयोजना तथा युवा सञ्जाल जिरी, सर्वखासा गुम्बा गुठी, चेर्दुङ युवा क्लव, बौद्ध भुवनेश्वरी मावि सहआयोजनामा दुई दिने महोत्सव गर्न लागिएको युवा सञ्जाल जिरीका अध्यक्ष केन्द्रज्योति खड्काले जानकारी दिए । जिरी बजार नजिकका महत्वपूर्ण पर्यटकीय गन्तव्यहरुमा हाइकिङ, जिप सफारी र साइक्लिङका लागि निरन्तर पर्यटक आउने वातावरण बनाउन महोत्सवले सहयोग गर्ने आयोजकको दाबी छ ।
गत वर्षहरुमा छिमेकी जिल्लाका नागरिक यलुङमा छेच्यु पर्व अवलोकन गर्न आउने गरेकोले यस वर्ष महोत्सव नै गर्न लागिएको आयोजकको भनाइ छ । महोत्सवमा स्थानीय भेषभूषासहित सांस्कृतिक झाकी, तालिम प्राप्त लामाहरुद्वारा धार्मिक तथा पौराणिक क्षाम नाच, छेक्युर नाच, मौलिक खाना तथा स्थानीय खाद्यपरिकार, राष्ट्रिय तथा स्थानीय कलाकारबाट सांगितिक प्रस्तुति तथा विभिन्न खेलकुद, स्थानीय उत्पादनहरु चिज, चिया, सिल्मा, रिल्दुक, ट्राउट माछा लगायतका अन्य खानाका परिकार राखिने जनाइएको छ ।
दुई दिन चल्ने महोत्सवमा दोलखा र रामेछापका करिब ६ हजार आन्तरिक तथा वाह्य पर्यटकले अवलोकन गर्ने अनुमान गरिएको छ । महोत्सवमा करिब १० लाख खर्च हुने आयोजकले जनाएको छ । महोत्सवको उद्घाटन महिला बालबालिका तथा जेष्ठ नागरीक मन्त्री पार्वत गुरुङबाट गर्ने तयारी गरिएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सिभिल सहकारीका सोह्र सय पीडितले सात अर्ब बचत मागे
- ट्रम्प अमेरिकाको राष्ट्रपति बन्दा जलवायु परिवर्तनको विषयमा कस्तो प्रभाव पर्ला ?
- बिटकोइनसँग जोडिएका सात रोचक र अपत्यारिला कुरा
- रवि लामिछाने विरुद्धको अनुसन्धानमा अब भैरहवामा के हुन्छ, पोखरामा के-के भयो ?
- जापानले ३० को दशकमा जैविक इन्धनयुक्त नयाँ कार ल्याउने
- धर्मका नाममा राजनीति हुनु हुँदैन: प्रधानमन्त्री
- उत्तर कोरियाद्वारा रूससँग गरेको सुरक्षा सम्झौता अनुमोदन
- कतार एयरवेजद्वारा गौतमबुद्ध विमानस्थलबाट सेवा सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया