काठमाडौं । नाडा अटोमोबाइल्स एसोसिएसन अफ नेपालको आयोजनामा असोज ६ देखि ९ गतेसम्म नाडा ईभी एक्स्पो २०२२ हुने भएको छ । नेपालमा पहिलोपटक विद्युतीय सवारीसाधन, पार्टपुर्जा, वित्तीय सेवा एवं अन्य सम्बन्धित सरोकारवाला संघ÷संस्थाहरुको भव्य प्रदर्शनी ‘सिएटद्वारा प्रायोजित नाडा ईभी एक्स्पो २०२२’ काठमाडौंको भृकुटीमण्डप प्रदर्शनीस्थलमा आयोजना हुनलागेको हो ।
एक्स्पोमा ठूला तथा साना गरी ५१ वटा स्टल र ब्लकहरु रहने आयोजकले सोमबार पत्रकार सम्मेलन गरी जानकारी दिएको छ । एक्स्पोमा सातवटा ब्राण्डका चारपाङग्रे, एउटा तीनपाङ्ग्रे, १६ वटा ब्राण्डका दुई पाङग्रे, ३ वटा ब्राण्डका टायर, दुईवटा ब्राण्डका ब्याट्री, नौवटा पार्टपुर्जा, ग्यारेज उपकरण कम्पनी एवं अटो पत्रिका तथा चारवटा वित्तीय संस्थाहरुको सहभागिता रहने नाडा ईभी एक्स्पो समितिका सभापति अनुप कुमार बरालले बताए । उनका अनुसार नेपाल विद्युत् प्राधिकरण एक्स्पोको सहयोगी संस्थाको रुपमा सहभागी भएको छ भने यूएसएआईडी क्लिन एयरले नलेज पार्टनरको रुपमा ईभी चौतारी नामक तीन दिने सूचनामूलक गोष्ठीको सञ्चालन गर्ने भएको छ ।
एक्स्पोको शीर्ष प्रायोजक सिएट टायर छ भने सहप्रायोजकमा शिखर इन्सुरेन्स कम्पनी लिमिटेड तथा डिजिटल पेमेन्ट पार्टनरमा खल्ती डिजिटल पेमेन्ट छ । एक्स्पोको व्यवस्थापन ग्लोबल एक्सपोजिसन एण्ड म्यानेजमेन्ट सर्भिसेजले गरिरहेको छ । नेपाली महान् चाड–पर्वहरुको पूर्वार्धमा आयोजना हुन गइरहेको यस एक्स्पोले नेपालमा विद्युतीय सवारीसाधनबारे अत्यधिक जनचेतना अभिवृद्धि गर्न एवं सम्बन्धित सम्पूर्ण अटो व्यवसायीहरुको समष्टिगत प्रवर्द्धनमा प्रत्यक्ष तथा सकारात्मक प्रभाव पार्ने आयोजकको भनाइ छ ।
एक्स्पोलाई बढी जानकारीमूलक, सेवामूलक र ग्राहकमुखी बनाउन वित्तीय सेवा, बिक्रीपछिका सेवा एवं इन्सुरेन्सका छुट्टाछुट्टै स्टलहरु रहनेछन् भने एक्स्पोसम्बन्धी समाचार सम्प्रेषणमा सहजताका लागि छुट्टै एउटा साझा मिडिया स्टलको व्यवस्था गरिएको छ । एक्स्पोमा वारुण सुरक्षा एवं नियन्त्रणका लागि फायर सेफ्टी सपोर्टको रुपमा हिटको प्रालि छ । वातावरण एवं ईभीसम्बन्धी व्यापक छलफल तथा सूचना प्रवाह गर्नका लागि यूएसएआईडी क्लिन एयरले तीन दिनसम्म ईभी चौतारी नामक गोष्ठी सञ्चालन गर्ने भएको छ । साथै महानगरीय ट्राफिक प्रहरी महाशाखा, काडमाडौंको सूचना–कक्ष समेत प्रदर्शनीमा रहनेछ ।
एक्स्पोलाई व्यवस्थित बनाउन, प्रदर्शनीस्थलमा भीडभाड कम गर्न एवं आगन्तुकहरुको भ्रमणलाई सहज बनाउन आयोजकले सोमबारदेखि नै खल्ती एपमार्फत अनलाइन टिकट खरिद गर्न सकिने व्यवस्था मिलाएको छ । असोज ५ गतेसम्मको अग्रिम अनलाइन टिकट खरिदमा विशेष सहुलियत दर समेत रहेको बताइएको छ । साथै प्रत्येक टिकट खरिदमा २५ प्रतिशत क्यासब्याकको अफर समेत छ । चार दिनसम्म चल्ने उक्त नाडा ईभी एक्स्पोमा लगभग ४० हजार आगन्तुकहरुले अवलोकन गर्ने आयोजकको विश्वास छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया